ᓴᓇᐅᒐᓕᐅᖅᑎᐅᑉ ᐊᑎᖓ: ᑯᐃᔅ ᑲᓯᓐᓯ ᓴᓇᐅᒐᓕᐅᖅᑎᐅᑉ ᓄᓇᖓ: ᐃᖃᓗᐃᑦ, ᓄᓇᕗᑦ ᓴᓇᖃᑦᑕᖅᓯᒪᔪᖅ ᐅᑯᓂᖓ: ᐅᓗᐃᑦ ᓴᓇᐅᒐᓕᐅᕈᑎᒋᕙᑦᑕᖏᑦ: ᑭᓪᓘᑎᒥᓃᑦ ᓴᕕᕋᔭᐃᑦ ᕿᔪᐃᓪᓗ ᐊᔾᔨᖃᑦᓯᐊᖏᑦᑐ ᑎᒍᒻᒥᕕᑦᓴᐃᑦ ᐅᓗᓄᑦ ᐃᖅᑲᓇᐃᔮᖓ: ᐊᐅᓚᒋᐊᓕᓐᓂᒃ ᑲᒪᔨ ᑐᖕᖓᓱᕝᕕᖓᓐᓂ ᐃᓄᐃᑦ
ᓴᓇᐅᒐᓕᐅᖅᑎᐅᑉ ᐱᐅᓯᖓ: ᑯᐃᔅ ᐱᕈᐃᔭᐅᓯᒪᔪᖅ ᐊᖓᔪᖅᑳᖏᓐᓄᑦ ᕌᔾᔭ ᐊᒻᒪ ᒥᐊᓕ ᐸᓂᒍᓯᖅ ᑲᓯᓐᓯᑯᓐᓄᑦ, ᖃᐅᔨᒪᔭᐅᑦᓯᐊᓚᐅᖅᑑᒃ ᐱᐅᒋᔭᐅᑦᓱᑎᒃ ᐃᓕᓴᐃᔨᐅᓂᖏᓐᓄᑦ ᐱᖅᑯᓯᓕᕆᔨᐅᓂᖏᓐᓄᓪᓗ. ᐊᐅᓐᓂᑭᓴᕈᒻᒪᐅᓚᐅᖅᑐᖅ, ᓯᑕᒪᓕᓐᓄᑦ ᐃᖏᕐᕋᕋᔭᒋᐊᖅ ᖁᕕᐊᒋᔭᖃᖅᓱᓂ, ᐊᒻᒪᓗ ᐆᒪᔪᖅᓯᐅᕆᐊᑦᓴᖅ ᖃᔭᕆᐊᒃᑯᑦ. ᐃᓚᖏᑦ ᓴᓇᐅᒐᓕᐅᖅᑏᑦ ᐱᕈᖅᓴᖅᓱᓂ ᖃᐅᔨᒪᓚᐅᖅᑕᖏᑦ. ᑖᒃᑯᓇᖕᖓᑦ ᐃᓕᓯᒪᔪᖅ ᖃᓄᖅ ᓯᖁᒥᓯᒪᔪᓂᒃ ᐋᖅᑮᒋᐊᒥ ᐊᒻᒪᓗ ᖃᓄᖅ ᐱᔭᕇᕆᐊᖃᕐᒪᖔᑕ ᓴᓇᔭᖏᑦ. ᐃᓕᖅᑯᓯᕐᒥᒍᑦ ᐃᓕᓯᒪᔪᖅ ᐅᓗᓕᐅᕐᓂᕐᒥᒃ ᖃᐅᔨᒪᑦᓯᐊᓕᕋᒥ ᖃᓄᐃᑦᑐᓂᒃ ᓴᕕᕋᔭᓂᒃ ᕿᔪᓂᓪᓗ ᐅᓗᓕᐅᕈᑎᖃᕈᓐᓇᕐᒪᖔᕐᒥ ᓴᓇᑐᓂᕐᒥᓂᓪᓗ ᐊᑐᖅᓱᓂ ᐱᐅᔫᑎᓂᒃ ᐊᔾᔨᖃᖕᖏᑦᑐᓂᒃ ᐅᓗᓕᐅᓲᖅ ᐊᑐᑦᑕᐃᓕᖕᖏᑦᑐᓂᒃ ᓂᕐᔪᑎᓄᑦ. ᒫᓐᓇ ᐃᓚᖏᓪᓗ ᐋᑐᐋᒥᐅᑕᐅᓕᖅᑐᑦ ᓱᓕᓗ ᐅᓗᓕᐅᖃᑦᑕᖅᓱᓂ ᓴᓇᑐᓂᕐᒥᓂᒃ ᐊᑐᐃᓐᓇᖅᓱᓂ.
