ᓴᓇᐅᒐᓕᐅᖅᑎᐅᑉ ᐊᑎᖓ: ᕉᑕ ᐅᖔᓛᖅ

ᓴᓇᐅᒐᓕᐅᖅᑎᐅᑉ ᓄᓇᖓ: ᐃᖃᓗᐃᑦ, ᓄᓇᕗᑦ

ᓴᓇᐅᒐᓕᐅᖅᑎᐅᑉ ᐱᕈᕐᕕᒋᓯᒪᔭᖓ: ᐃᒡᓗᓕᒃ, ᓄᓇᕗᑦ

ᓴᓇᖃᑦᑕᖅᓯᒪᔪᖅ ᐅᑯᓂᖓ:

ᑲᒥᑐᐃᓐᓇᓂᒃ, ᐊᑎᒋᓂᒃ, ᐳᐊᓗᓂᒃ, ᑕᐅᑦᑐᓕᐅᖅᓱᓂ ᓴᓇᓯᒪᔪᖅ ᐊᓐᓄᕌᖕᖑᐊᑦᓴᓂᒃ ᑕᑯᕋᓐᓇᑎᑦᓯᔨᓄᑦ ᖃᖅᑭᒡᒋᐊᕗᒃᑯᓐᓄᑦ ᐊᒻᒪᓗ ᓄᓇᓖᑦ ᑕᑯᕋᓐᓇᑎᑦᓯᔨᖏᓐᓄᑦ; ᓂᕕᖓᑖᓂᒃ ᖁᕕᐊᓱᕝᕕᑦᓯᐅᑎᓂᒃ, ᐱᒐᓚᓄᑦ ᐅᓕᑦᓴᔭᓂᒃ ᐊᒻᒪᓗ ᐃᓪᓗᒥ ᐱᒐᓚᑦᓴᓂᒃ, ᐅᐃᖓᑕ ᐃᓪᓗᕋᓛᓕᐊᑦᓴᖓᑕ ᓴᓇᒪᓂᑦᓴᖓᓂᒃ, ᓄᕕᖅᓵᓂᒃ ᓂᑦᓯᑦᑕᒐᕐᓂᓪᓗ ᑕᑯᓱᕐᓇᐃᑦᑐᓂᒃ, ᐃᓕᓴᐃᓂᕐᒥᒃ ᒪᒃᑯᑦᑐᓂᒃ ᐃᓐᓇᓂᓪᓗ ᐱᓕᒻᒪᓴᖅᑎᑦᓱᒋᑦ, ᔫᓗᕆᓂᒃ ᖃᓄᐃᑦᑐᑐᐃᓐᓇᕐᓂᒃ, ᓂᐊᖂᑎᑦᓴᓂᒃ ᓴᐸᖓᓂᒃ, ᐊᒻᒪᓗ ᐊᖁᖅ.

ᓴᓇᕐᕈᑎᒋᕙᑦᑕᖏᑦ:

ᐃᓕᖅᑯᓯᒃᑯᑦ ᐃᓄᓐᓄᑦ ᐆᑦᑑᑎᓕᐅᕈᓰᑦ ᓴᓇᕐᕈᑏᓪᓗ, ᐊᓯᓄᑦ ᐱᖅᑯᓯᓕᓐᓄᑦ ᐅᓂᒃᑳᓕᐊᖑᒪᔪᓂᒃ ᐃᓄᑦᑎᑑᓕᖅᑎᑦᓯᓂᖅ

ᐊᕐᕌᒍᖅ ᐃᓅᓕᖅᕕᕕᓂᖓ: 1948

ᓴᓇᐅᒐᓕᐅᖅᑎᐅᑉ ᐱᐅᓯᖓ:

ᕉᑕ ᐅᖓᓛᖅ ᐃᒡᓗᓕᒻᒥᐅᑦᓴᔭᐅᑦᓱᓂᒃ ᐊᑯᓂ ᐃᖃᓗᒻᒥᐅᖑᓕᖅᑐ. ᕉᑕᐅᑉ ᓯᕗᓕᖏᑦ ᐃᓚᖏᓪᓗ ᒥᖅᓱᖅᑎᐅᓯᒪᑦᓱᑎᒃ ᓴᓇᐅᒐᓕᐅᖅᑎᐅᓯᒪᔪᑦ. ᐊᓈᓇᒥᓄᑦ ᒥᖅᓱᕆᐅᖅᑎᑕᐅᓚᐅᖅᑐᕕᓂᖅ ᓂᕕᐊᖅᓯᐊᖑᑎᓪᓗ ᐊᒻᒪᓗ ᐃᓚᕋᓴᒥᓂᒃ ᐃᓕᓯᒪᑦᓱᓂᖅ ᑕᐅᑦᑐᒐᑦᓴᓕᐅᕐᓂᕐᒥᒃ ᐊᓐᓄᕌᓕᐊᒥᓄᑦ ᐃᓚᖏᑦ ᐃᓅᓂᕐᒥᒍᑦ ᓴᓇᑐᔫᓯᒪᒻᒪᑕ ᐃᔾᔭᖅᓱᒋᑦ ᓴᓇᖃᑦᑕᖅᓯᒪᔪᖅ ᐊᓯᖏᓐᓄᓪᓘᓐᓃᑦ ᓈᒻᒪᑎᖅᓱᒋᑦ ᓈᒻᒪᑦᑎᕆᐊᖃᕋᐃᒻᒪᑕ ᐃᓅᓯᕐᒥᓂ ᐱᕙᓪᓕᐊᑦᓱᓂ ᐊᓈᓇᐅᕐᒥᒍᑦ, ᐃᓕᓴᐃᔨᐅᓂᕐᒥᒍᑦ, ᐊᒻᒪᓗ ᐊᓈᓇᑦᓯᐊᖑᓂᕐᒥᒍᑦ/ᓂᖏᐅᕆᔭᐅᓂᕐᒥᒍᑦ. ᕉᑕ ᓴᓇᕙᒻᒥᔪᖅ ᓱᓇᑐᐃᓐᓇᕐᓂᒃ ᐊᑐᕈᓐᓇᖅᑐᓂᒃ ᖃᓪᓗᓈᖅᑕᓂᒃ, ᒥᖅᑯᓕᓐᓂᒃ, ᐊᒥᓂᒃ/ᕿᓯᓂᒃ, ᓴᐅᓂᕕᓂᕐᓂᒃ, ᓴᐸᖓᓂᒃ, ᐸᐃᑉᐹᓂᒃ, ᐊᒻᒪᓗ ᓱᓇᑐᐃᓐᓇᕐᓂᒃ ᓴᓇᒐᑦᓴᐅᒍᑦᓇᖅᑐᓂᒃ – ᓴᕕᕋᔭᓂᒃ ᓴᓇᕙᖕᖏᒃᑲᓗᐊᖅᓱᓂ. ᕉᑕ ᓱᓕ ᒥᖅᓱᐸᑦᑐᖅ ᐊᒡᒐᒥᓄᑦ ᒥᖅᓲᑎᒧᓪᓗ, ᑎᑎᖅᑐᒐᖅᐸᑦᓱᓂ ᐃᓪᓗᓴᐃᑦ ᓴᓇᒪᓂᑦᓴᖏᓐᓂᒃ ᓈᒻᒪᑦᑎᕆᐊᖅᓯᒪᑦᓱᒋᑦ ᐃᓄᐃᑦ ᓄᓇᖏᓐᓄᑦ, ᔫᓗᕆᒐᓚᐃᓪᓗ ᓴᓇᒪᓂᑦᓴᖏᓐᓂᒃ ᑎᑎᖅᑐᒐᖅᐸᑦᓱᓂ ᓴᓇᒐᑦᓴᖃᕋᐃᒐᒥ ᐃᓅᓯᕐᒥᓂ ᐱᓇᓱᐊᕈᑎᒋᑦᓱᓂᐅᒃ.

ᖃᐅᔨᒪᔭᐅᖁᔭᖏᑦ/ᐅᖃᐅᓯᑦᓴᖏᑦ:

“ᑲᑦᓱᖓᐃᑐᐃᓐᓇᖃᑦᑕᕆᑦ ᑕᒻᒪᕋᐃᒐᓗᐊᕈᕕᑦ ᐱᓗᐊᖅᑐᒥ ᓴᓇᓚᐅᖅᓯᒪᖕᖏᑕᕐᓂᒃ ᓴᓇᒐᓱᐊᓕᕈᕕᑦ. ᐃᓛᓐᓂᒃᑯᑦ ᑕᒻᒪᕐᓂᕕᓂᕗᑦ ᐱᐅᔪᐊᓗᕈᕈᓐᓇᕐᒪᑕ ᖃᐅᔨᒍᑎᒋᕙᒃᑲᑦᑎᒍᑦ ᓇᐅᒃᑯᑦ ᐋᖅᑭᒋᐊᖃᕐᒪᖔᑕ ᐃᓕᒍᑎᒋᓲᕆᒐᑦᑎᒍᓗ ᓄᑖᓂᒃ ᓴᓇᐅᓯᕐᓂᒃ.”