ᓴᓇᐅᒐᓕᐅᖅᑎᐅᑉ ᐊᑎᖓ: ᕉᐸᓐ ᖁᒪᖔᐱᒃ

ᐊᑦᓯᕋᐅᑎᒃᑲᓐᓂᖓ: + ᑕᕝᕙᓂ ᐊᕐᕌᒍᒥ

ᐊᖏᕐᕋᖃᓕᖅᑐᖅ: ᐋᑐᐋ, ᐋᓐᑕᕆᐅᒥ

ᓴᓇᐅᒐᓕᐅᖅᑎᐅᑉ ᓄᓇᖓ: ᒥᑦᓯᒪᑕᓕᒃ, ᓄᓇᕗᑦ

ᓴᓇᖃᑦᑕᖅᓯᒪᔭᖏᑦ: ᔫᓗᕆᓕᐊᕆᓯᒪᔭᖏᑦ: ᓯᐅᒻᒥᐅᑕᐃᑦ, ᐅᔭᒦᑦ, ᐃᔾᔨᕐᒥᒐᐃᑦ ᑲᑭᖅᑯᐊᑦ, ᑕᓕᐊᑦ ᐅᒃᑯᓂᖓ ᓴᓇᖃᑦᑕᖅᓯᒪᔪᖅ: ᐅᒃᑯᓯᑦᓴᓂᒃ, ᑑᒑᓂᒃ, ᕿᓚᓗᒐᔭᐃᑦ ᓴᐅᓂᕕᓃᑦ, ᑐᑐᑦᑐᓄᑦ ᓇᔾᔪᓂᒃ/ᓇᔾᔪᓛᓂᒃ, ᓴᓇᖕᖑᐊᒐᓂᒃ ᑕᑯᔭᒐᑦᓴᓂᒃ ᓯᓚᒥ ᐊᒻᒪᓗ ᐃᓪᓗᐃᑦ ᓯᓚᑎᖏᓐᓂ, ᐅᓗᓂᒃ, ᓴᕕᓂᒃ/ᐸᓇᓂᒃ, ᖃᔭᓂᒃ, ᓇᐅᓚᓄᑦ ᓴᒃᑯᓂᒃ, ᓇᐅᓚᐃᑦ, ᓄᓗᐊᓂᒃ, ᖃᒧᑎᓂᒃ, ᓂᑦᓯᓂᒃ, ᕿᔪᓂᒃ, ᐃᓕᖅᑯᓯᖅᓱᖕᖑᐊᖅᑐᓂᒃ ᐃᓄᖕᖑᐊᓂᒃ, ᐃᓕᖅᑯᓯᒃᑯᑦ ᐱᖁᑎᒋᔭᐅᕙᑦᑐᓂᒃ, ᑲᑎᑎᖅᓯᒪᔪᑦ ᐅᖃᓕᒪᓂᒃᑯᑦ ᐃᖕᖏᖅᑐᑦ ᑕᕐᕆᔭᐃᑦ, ᓱᓇᑐᐃᓐᓇᓂᓪᓗ ᑲᑎᑎᖅᓯᒪᔪᓂᒃ; ᑕᕐᕆᔭᒥᒃ ᓈᓚᑦᑐᐊᒥᒃ 2018-ᒥ, ᐊᐅᔮᖅ

ᓴᓇᐅᒐᓕᐅᕈᑎᒋᕙᑦᑕᖏᑦ: ᑑᒑᑦ, ᕿᓚᒐᕕᓃᑦ ᓴᐅᓃᑦ, ᐅᒃᑯᓯᑦᓴᐃᑦ ᐊᖅᑭᑦᑐᑦ, ᐊᐳᑏᑦ ᓴᓇᖕᖑᐊᖅᓯᒪᔪᑦ, ᐅᔭᕋᐃᑦ, ᕿᔪᐃᑦ, ᓄᓇᕋᐃᑦ, ᓂᓚᐃᑦ

ᐊᕐᕌᒍᖅ ᐃᓅᓕᖅᕕᕕᓂᖓ: 1976

ᐃᖅᑲᓇᔮᖓ: ᓴᓇᖕᖑᐊᖅᑎ; ᓂᔾᔭᐅᓯᔭᖅᑎ/ᐃᖕᖏᖅᑎ, ᓴᓇᐅᒐᓕᐅᕆᐅᖅᓴᔪᓂᒃ ᐃᓕᓴᐃᔨ, ᑕᕐᕆᔭᓕᐅᖅᑎ, ᐅᔭᖅᑭᕆᔨ, ᔫᓗᕆᓕᐅᖅᑎ, ᓇᐸᑕᓂᒃ/ᐅᔭᖅᑲᓂᒃ ᐊᒡᒍᐃᔨ

ᓴᓇᐅᒐᓕᐅᖅᑎᐅᑉ ᐱᐅᓯᖓ: ᕉᐸᓐ ᖁᒪᖔᐱᒃ ᐱᕈᕐᓂᑰᑦᓱᓂ ᒥᑦᓯᒪᑕᓕᒻᒥ ᐃᓛᓐᓂᑯᓪᓗ ᑲᖏᖅᓱᒑᐱᒻᒥᐅᖑᖃᑦᑕᖅᓯᒪᑦᓱᑎᒃ ᐊᑖᑕᒃᑯᒌᑦ ᐊᓈᓇᖓᓗ ᒥᑭᓯᑎ ᐊᒻᒪ ᑑᕈᑎ ᖁᒪᖔᐱᒃᑯᒃ ᐃᓚᖏᓪᓗ ᑕᒪᕐᒥᑲᓴᓪᓗ ᓴᓇᐅᒐᓕᐅᖅᑎᐅᑦᓱᑎᒃ ᐊᖑᓇᓱᒋᐊᖃᑦᑕᖅᓱᑎᓪᓗ ᐊᐅᓪᓛᖅᓯᒪᖃᑦᑕᖅᓱᑎᓪᓗ ᐱᒍᓐᓇᖅᓯᑐᐊᕋᐃᒐᒥᒃ. ᐊᐅᓚᔨᔪᖅ ᓱᕈᓯᐅᑦᓱᓂ ᓇᒻᒥᓂᖅ ᐱᖕᖑᐊᑦᓴᓕᐅᖃᑦᑕᕐᓂᒥᓂᕐᒥᓂᒃ ᒪᑯᓂᖓ ᖃᒧᑎᖕᖑᐊᓂᒃ, ᐊᖑᓇᓱᒍᑎᖕᖑᐊᓂᒃ, ᐊᒻᒪᓗ ᓄᓇᒃᑰᔫᖕᖑᐊᓂᒃ ᐊᑦᓴᓗᐊᓕᓐᓂᒃ. ᐃᓚᒥᓂᒃ ᐱᓗᐊᖅᑐᒥ ᐊᑖᑕᑦᓯᐊᒥᓂᒃ ᔫᓱᐊ ᑯᒪᖔᐱᒻᒥᒃ ᐃᑲᔪᖕᖏᑐᐊᕋᐃᒐᒥ ᓯᑐᕋᕆᐊᖅ ᖁᕕᐊᒋᔭᖃᖃᑦᑕᕐᓂᑯ. ᑕᐃᑦᓱᒪᓂ ᓴᓇᖕᖑᐊᖃᑦᑕᓯᓂᑰᑦᓱᓂ ᓱᓕ ᓴᓇᐅᒐᓕᐅᖃᑦᑕᖅᓱᓂ ᑕᑯᓐᓇᕋᑦᓴᓕᐅᖅᐸᑦᑐᖅ ᐅᖃᖅᓱᓂ “ᐅᐱᓐᓇᕋᓂ ᐱᐅᓯᕋ ᖃᐅᔨᒪᔭᐅᒍᑎᒐ ᑭᓇᐅᒻᒪᖔᕐᒪ”. ᕉᐸᓐ ᓇᒥᑐᐃᓐᓇ ᓄᓇᖅᑲᑎᒋᔭᐅᖃᑦᑕᕐᓂᑯ ᐃᖅᑲᓇᐃᔭᖃᑦᑕᖅᓂᑰᑦᓱᓂ ᐃᓄᐃᑦ ᓄᓇᖏᓐᓂ ᓯᕗᓪᓕᖅᐸᐅᑦᓱᓂ ᐱᔭᕇᓂᑰᒻᒪᑦ ᔫᓗᕆᓕᐅᕆᖅᓴᖃᑎᖏᓐᓂ ᐅᑭᐅᖅᑕᖅᑐᒥ ᓯᓚᑦᑐᓴᕐᕕᒻᒥ 1997-ᖑᑎᓪᓗᒍ. ᐊᓯᓄ ᓄᓇᕐᔪᐊᓅᖃᑦᑕᖅᓯᒪᔪᖅ ᐱᔾᔪᑎᒋᑦᓱᒋᑦ ᓴᓇᐅᒐᖏᖅ, ᔫᓗᕆᓕᐊᒥᓂᖏᑦ, ᓴᓇᐅᒐᖏᓪᓗ ᐊᑎᖃᕐᕕᑦ/ᐃᓕᑕᖅᓯᔾᔪᑏᑦ, ᓂᔾᔭᐅᑎᓕᐊᒥᓂᖏᓪᓗ ᐊᒻᒪ ᑕᕐᕆᔭᓕᐊᒥᓂᖏᑦ ᐊᑯᑭᑦᑐᓅᕈᑎᒋᖃᑦᑕᖅᓯᒪᒻᒪᒋᑦ ᔮᒪᓂᒃᑯᓄᓪᓗ, ᐊᒻᒪᓗ ᓄᕝᕗᖅᑭᐅᓚᐃᑦ ᓄᓇᕐᔪᐊᖓᓐᓄᑦ ᐊᐃᔅᓛᓐᒧᑦ ᑭᓯᐊᓂ ᖁᕕᐊᓐᓂᖅᓴᖅ ᓴᓇᒐᓕᐅᖃᑦᑕᕆᐊᖅ ᐊᒻᒪᓗ ᓴᓇᒋᐅᖅᓴᑎᑦᓯᒋᐊᖅ ᒪᒃᑯᑦᑐᓂᒃ. ᕉᐸᓐ ᐃᓚᐅᕙᑦᑐᖅ ᓇᐅᑐᐃᓐᓇᕐᓄᑦ ᐃᓄᓐᓄᑦ ᓴᓇᐅᒐᓕᕆᔨᓄᑦ ᐊᒻᒪᓗ ᐱᖅᑯᓯᓕᕆᔩᑦ ᑲᑐᔾᔨᖄᑎᒌᖏᓐᓄᑦ ᓲᕐᓗ ᐃᖏᕐᕋᑎᑦᓯᔨᓂ ᐃᓄᐃᑦ ᐱᖅᑯᓯᖏᓐᓂᒃ ᓯᕗᓕᖅᓲᑎᖏᓐᓂᓪᓗ ᐃᑲᔪᖅᑎᖃᖅᓱᓂ ᔪᐊᒃ ᓯᓚᑦᑐᓴᕐᕕᔾᔪᐊᒥᒃ, ᐃᓴᕈᐃᑦ ᐃᓄᓐᓄᑦ ᓴᓇᐅᒐᓕᕆᔨᖏᓐᓂᒃ: ᐱᔪᓐᓇᕐᓂᕗᑦ ᒪᓐᓇ ᐋᑐᐋᒥᐅᖑᑦᓴᓂ.

ᓴᓇᐅᒐᓕᐅᑎᐅᑉ ᐱᖅᑯᓯᕐᒥᒍᑦ ᐃᓕᖅᑯᓯᖅᓲᑎᒋᕙᑦᑕᖏᑦ: ᐃᓄᑦᑎᑐᑦ ᐅᖃᐅᓯᓕᕆᓂᖅ, ᐊᖑᓇᓱᓐᓂᖅ, ᐊᐅᓪᓛᖅᓯᒪᓂᖅ, ᐅᓂᒃᑳᖅᑐᐊᕐᓂᖅ, ᕿᓚᐅᔾᔭᕐᓂᖅ, ᐃᓄᓕᖅᑕᓂᒃ ᓂᕿᓕᕆᓂᖅ ᓂᕆᕕᔾᔪᐊᑎᑦᓯᓂᕐᓗ, ᖃᔭᖅᑐᕐᓂᖅ, ᐊᓐᓇᐅᒪᓂᖅ ᓄᓇᒥ/ᐃᒪᕕᒻᒥ, ᐃᓄᑦᓱᓕᐅᕐᓂᖅ, ᓴᓇᕐᕈᑎᓕᐅᕐᓂᖅ, ᐆᒪᔪᔭᓂᒃ ᓴᓇᐅᒐᓕᐅᕐᓂᖅ, ᓯᖁᒥᓯᒪᔪᓂᒃ ᐊᒻᒪᓗ ᐊᔾᔨᐅᖏᑦᑐᓂᒃ ᓴᓇᖃᑦᑕᕐᓂᖅ, ᐃᓕᓴᐃᓂᖅ ᒪᒃᑯᑦᑐᓂᒃ, ᒥᖅᓱᕐᓂᖅ, ᐃᓕᓐᓂᐊᕐᓂᖅ ᐃᑲᔪᖃᑦᑕᓂᕐᓗ ᐃᓄᑐᖃᓂᒃ, ᐱᓱᕋᔮᕐᓂᖅ, ᓄᓇᖅᑎᓄᑦ ᐳᓛᕆᐊᖃᑦᑕᕐᓂᖅ

ᖃᐅᔨᒪᖁᔪᑦ/ᐅᖃᐅᓯᑦᓴᐃᑦ:

“ᐊᑎᕋ ᐊᑎᕆᔭᐅᖕᖑᐊᖃᑦᑕᖅᓯᒪᔪᖅ ᓴᓇᐅᒐᕆᖕᖏᑕᕐᓂ. ᐃᓱᒫᓗᓐᓇᕋᓗᐊᖅᓱᓂ ᖁᕝᕙᓇᕐᒥᔪᖅ”

“ᓴᓇᖃᑦᑕᕐᓂᖅ ᖃᐅᔨᒪᓂᐅᑦᓱᓂ ᖃᐅᔨᒪᑎᑦᓯᒍᑕᐅᒻᒥᔪᖅ; ᓲᓪᓗ ᐅᖃᐅᓯᖅ.”

“ᓴᓇᖃᑦᑕᕐᓂᖅ ᑮᓇᐅᔾᔭᑦᓴᐅᑎᑐᐃᓐᓇᐅᖏᑦᑐᖅ. (ᑮᓇᐅᔭᖅ ᐊᑑᑎᓕᐅᒐᓗᐊᖅ…!)

ᐅᖃᐅᔾᔫᑎᖏᑦ ᓴᓇᐅᒐᓕᐅᖅᑎᐅᖃᑎᓄᑦ: “ᐱᖁᓇᖅᐳᓯ ᐊᒻᒪᓗ ᖁᕕᐊᒋᓯᐅᒃ ᐊᑐᕐᓗᒍ.”