ᓵᓕᐊ ᑕᓱᒐᑦ

ᓴᓇᐅᒐᓕᐅᖅᑎᐅᑉ ᐊᑎᖓ: ᓵᓕᐊ ᑕᓱᒐᑦ

ᓴᓇᐅᒐᓕᐅᖅᑎᐅᑉ ᓄᓇᖓ: ᑲᖏᖅᓱᒑᐱᒃ, ᓄᓇᕗᑦ

ᓴᓇᐅᒐᓕᐅᖅᑎᐅᑉ ᐱᕈᕐᓂᑯ: ᑲᖏᖅᓱᒑᐱᒃ, ᓄᓇᕗᒥ

ᓴᓇᖃᑦᑕᖅᓯᒪᔪᖅ ᐅᑯᓂᖓ: ᓯᓚᐱᕈᕐᓂ ᖃᕐᓕᓂᒃ, ᐊᒪᐅᑎᓂᒃ, ᐊᑎᒋᓂᒃ, ᐳᐊᓗᓂᒃ, ᑲᒥᑐᐃᓐᓇᓂᒃ, ᓂᑦᓯᑕᖅᓯᒪᔪᓂᒃ ᓇᓴᓂᒃ

ᓴᓇᐅᒐᓕᐅᕈᑎᒋᕙᑦᑕᖏᑦ: ᑭᓰᑦ ᓇᑦᓴᔭᐃᑦ; ᖃᐃᕋᔪᐊᑦ; ᓯᓚᐹᑦᓴᔭᐃᑦ, ᓄᕕᖅᓵᑦᓴᐃᑦ, ᑎᕆᒐᓐᓂᐊᔭᐃᑦ

ᐊᕐᕌᒍᖅ ᐃᓅᓕᖅᕕᕕᓂᖓ: 1994

ᓴᓇᐅᒐᓕᐅᖅᑎᐅᑉ ᐱᐅᓯᖓ: ᓵᓕᐊ ᐱᕈᖅᓴᑎᓪᓗᒍ ᑲᖏᖅᓱᒑᐱᒻᒥ ᐊᐅᓪᓛᖃᑕᐅᖃᑦᑕᖅᓯᒪᔪᖅ ᐃᓚᒥᓄᑦ ᐃᓕᓐᓂᐊᕐᓇᐅᒍᓐᓃᕋᐃᒻᒪᑦ ᐅᑎᖅᐸᑦᓱᑎᒃ ᑭᓯᐊᓂ ᐅᑭᐊᑦᓵᕈᖅᐸᓪᓕᐊᓕᖅᑎᓪᓗᒍ. ᐊᓈᓇᒥᓂᒃ ᐃᑲᔪᖃᑦᑕᖅᓯᒪᔪᖅ ᐋᑦᑐᑎᓪᓗᒍ ᐊᒡᒍᐃᑎᓪᓗᒍᓗ ᓂᕿᓂᒃ ᓂᕐᔪᑎᔭᓂᒃ ᐃᓐᓂᖅᑐᐃᕙᑦᓱᓂᓗ ᐊᒥᓂᒃ ᕿᓯᓂᓪᓗ ᐊᐅᓪᓛᖅᓯᒪᕕᒻᒥᓂ ᐊᐅᔭᒃᑯᑦ ᐊᒻᒪᓗ ᐊᖏᕐᕋᒥᓂ ᓄᓇᓕᓐᓂ ᐅᑭᐅᖑᑎᓪᓗᒍ. ᓵᓕᐊ ᓂᖅᓯᐅᖅᐸᑦᑐᖅ ᕿᓯᓕᕆᕙᑦᓱᓂᓗ ᐃᓕᖅᑯᓯᕐᒥᒍᑦ ᐃᓚᖏᑕ ᐱᔭᑦᓴᖏᓐᓂᒃ. ᐃᓐᓇᕈᖅᐸᓪᓕᐊᑦᓱᓂ ᒥᖅᓱᕆᐅᕐᓂᐅᓕᕋᒥ ᐃᓄᓕᖅᑕᓂᒃ ᐊᓐᓄᕌᓕᐅᖃᑦᑕᓯᓂᑯ ᐳᐊᓗᓕᐅᖅᐸᑦᓱᓂ ᐃᓕᓐᓂᐊᕕᒻᒥ. ᓵᓕᐊ ᒫᓐᓇ ᐱᔭᑦᓴᖃᐃᓐᓇᖃᑦᑕᓕᖅᑐᖅ ᐊᑎᓕᐅᖅᐸᑦᓱᓂ ᐊᒪᐅᓯᐅᖅᐸᑦᓱᓂᓗ ᖃᓪᓗᓈᖅᑕᓂ ᐊᓐᓄᕌᑦᓴᔭᓂᒃ ᐳᐊᓗᓕᐅᖅᐸᑦᓱᓂ ᓇᓴᓂᓪᓗ ᓂᑦᓯᑕᖅᐸᑦᓱᓂ ᐅᐃᖓᑕ ᕿᑐᕐᖓᖏᑕᓗ ᓯᑕᒪᐃᑦ ᓄᑕᕋᓚᐅᑏᑦ ᐱᑦᓴᖏᓐᓂ. ᒫᓐᓇ ᑲᒻᒥᒋᐅᑎᓴᔪᖅ ᕿᓯᑐᐃᓐᓇᕐᓂᒃ ᓂᐅᕋᔭᓂᓪᓗ ᐃᑲᔪᖅᑎᖃᖅᓱᓂ ᐃᓐᓇᑐᖃᓂᖅ ᑲᖏᖅᓱᒑᐱᒻᒥ.

ᓴᓇᐅᒐᓕᐅᑎᐅᑉ ᐱᖅᑯᓯᕐᒥᒍᑦ ᐃᓕᖅᑯᓯᖅᓲᑎᒋᕙᑦᑕᖏᑦ: ᐃᓄᑦᑎᑐᑦ ᐅᖃᐅᓯᓕᕆᓂᖅ, ᐃᖃᓪᓕᐊᕐᓂᖅ, ᐃᓄᓕᖅᑕᓂᒃ ᓂᖅᓯᐅᕐᓂᖅ ᓂᕆᕕᔾᔪᑎᑦᓯᓂᕐᓗ; ᒥᖅᓱᕐᓂᖅ, ᐊᒻᒪᓗ ᕿᓯᓕᕆᓂᖅ ᐊᒥᓕᕆᓂᕐᓗ.

ᖃᐅᔨᒪᔭᐅᖁᔭᖏᑦ/ᐅᖃᐅᓯᑦᓴᖏᑦ:

“ᓴᓇᒐᓱᐊᖃᑦᑕᖅᓱᓂ ᑭᓯᐊᓂ ᐱᔭᕆᐅᖅᐸᓪᓕᐊᓇᐅᒻᒪᑦ ᓴᓇᔭᑎᑦ ᐱᐅᓯᕙᓪᓕᐊᑐᐃᓐᓇᖃᑦᑕᓚᖓᔪᑦ.”

Get in touch with ᓵᓕᐊ ᑕᓱᒐᑦ