ᓯᐊᓕ ᐅ’ᒍᐊᒪᓐ

ᓴᓇᐅᒐᓕᐅᖅᑎᐅᑉ ᐊᑎᖓ: ᓯᐊᓕ ᐅ’ᒍᐊᒪᓐ

ᓴᓇᐅᒐᓕᐅᖅᑎᐅᑉ ᓄᓇᖓ: ᐃᖃᓗᑦᑑᑦᓯᐊᖅ, ᓄᓇᕗᑦ

ᓴᓇᐅᒐᓕᐅᖅᑎ ᒫᓐᓇ ᓄᓇᖓ: ᐃᖃᓗᑦᑑᑦᓯᐊᖅ, ᓄᓇᕗᑦ

ᓴᓇᖃᑦᑕᖅᓯᒪᔪᖅ ᐅᑯᓂᖓ: ᒥᖅᓱᒐᓂᒃ ᑕᖅᓯᑐᖅᓯᒪᔪᓂᒃ, ᐊᑎᒋᓂᒃ, ᑲᒥᓂᒃ, ᑲᓕᑯᓂᒃ ᓯᓚᐹᓂᒃ

ᓴᓇᕐᕈᑎᒋᒐᔪᑦᑕᖏᖅ: ᖃᓪᓗᓈᖅᑕᐃᑦ ᑲᓕᑯᓕᐅᕈᑎᑦᓴᐃᑦ, ᕿᑎᕐᒥᐅᑎᑐᑦ ᓴᓇᒪᔪᓂᒃ ᑲᒥᑐᐃᓐᓇᓕᐅᕈᑎᓂᒃ ᐃᖃᖅᑎᒐᔭᐅᔭᓂᒃ ᓵᓐᓂᖅᓴᓂᓪᓗ ᐊᑎᒋᑦᓴᔭᓂ

ᐊᕐᕌᒍ ᐃᓅᓕᖅᕕᕕᓂᖓ: 1988

ᐃᖅᑲᓇᐃᔮᖓ: ᓄᓇᕗᑦ ᒐᕙᒪᒃᑯᓐᓂ ᐃᖅᑲᓇᐃᔮᒥᓂ ᓄᖅᑲᖓᑲᐃᓐᓇᖅᑐᖅ ᐃᓕᓐᓂᐊᕆᐊᖅᓯᒪᑦᓱᓂ

ᓴᓇᐅᒐᓕᐅᖅᑎᐅᑉ ᐱᐅᓯᖓ: ᓴᓇᐅᒐᓕᐅᖅᑎ ᐱᕈᕐᓂᑯ ᐃᖃᓗᑦᑑᑦᓯᐊᒥ. ᑕᐃᒪᖕᖓᑦ ᓂᕕᐊᖅᓯᐊᓛᖑᒐᒥᓂᑦ ᓴᓇᒍᒻᒪᐅᓯᒪᔪᖅ. ᓯᐊᓕ ᐃᓕᑉᐸᓪᓕᐊᓂᑯ ᒥᖅᓱᓂᕐᒥᒃ ᐃᓕᓐᓂᐊᖅᑎᓛᖑᑦᓱᓂ. ᐃᓐᓇᕈᕋᒥ ᒥᖅᓱᕆᐅᓪᓚᕆᓯᓂᑯ ᐃᑲᔪᖅᑎᖃᖅᓱᓂ ᐊᓈᓇᒥᓂᒃ ᐊᖓᔪᒥᓂᓪᓗ ᒥᖅᓱᕈᓐᓇᑦᓯᐊᕐᒪᑎᒃ. ᓯᐊᓕ ᑲᒥᓕᐅᕈᑎᖃᕈᒪᓲᖅ ᑐᑐᕙᒧᑦ ᐊᒥᕐᒥᒃ ᐊᒻᒪᓗ ᓵᑦᑐᒥᒃ ᐊᑎᒋᑦᓴᔭᒥᒃ ᑭᓯᐊᓂ ᒫᓐᓇ ᑲᓕᑯᓕᐅᕐᓂᖅᓴᐅᖃᑦᑕᖅᓱᓂ ᓂᐅᕕᐊᑦᓴᓕᐊᕆᕙᑦᑕᖏᑦ ᐊᓪᓚᒃᑲᐅᒪᑎᑦᓱᒋᑦ ᖃᕆᑕᐅᔭᒃᑯᑦ; ᒫᓐᓇ ᑲᓕᑯᐃᑦ ᐱᔭᐅᒍᒪᖏᓐᓇᕐᒪᑕ ᓴᓇᓂᖅᓴᕆᕙᓕᖅᑕᖏᑦ.

ᓴᓇᐅᒐᓕᐅᑎᐅᑉ ᐱᖅᑯᓯᕐᒥᒍᑦ ᐃᓕᖅᑯᓯᖅᓲᑎᒋᕙᑦᑕᖏᑦ: ᐊᖑᓇᓱᓐᓂᖅ; ᐃᓚᒥᓂᒃ ᐊᐅᓪᓛᖅᓯᒪᖃᑎᖃᖃᑦᑕᕐᓂᖅ; ᒥᖅᓱᕐᓂᖅ

ᖃᐅᔨᒪᖁᔪᑦ/ᐅᖃᐅᓯᑦᓴᐃᑦ: “ᑲᐃᓪᓗᐊᕆᐊᒃᑲᓐᓂᕈᒪᔭᒃᑲ ᒪᒃᑯᒃᑐᐃᑦ ᐃᓄᐃᑦ, ᐱᓗᐊᖅᑐᒥ ᓴᓇᒍᒻᒪᐅᕙᑦᑐᑦ ᐃᓚᖏᑦ ᓴᓇᐅᒐᓕᐅᖅᑎᐅᓯᒪᖕᖏᒃᑲᓗᐊᖅᐸᑕ ᖃᓄᐃᖕᖏᒻᒪᑦ ᓇᒻᒥᓂᖅ ᐱᓇᓱᐊᕈᒪᔭᒥᒃ ᐊᔪᐃᓐᓇᖅᑐᖃᕋᓗᐊᖅᐸᑦ ᖁᕕᐊᒋᑐᐊᕈᓂᐅᒃ. ᐊᒥᓱᓂᒃ ᒥᖅᓱᕈᓐᓇᖅᑐᓂᒃ, ᓴᓇᖕᖑᐊᕈᓐᓇᖅᑐᓂᒃ, ᑎᑎᖅᑐᒐᖅᑎᓂᓪᓗ ᑕᖅᑳᓃᑦᑐᖃᖅᐳᖅ ᐃᓕᓐᓂᐊᑎᑦᓯᒍᒪᔪᓂᒃ ᐊᒻᒪᓗ ᖃᓄᐃᒐᓂ ᖃᐅᔨᒪᒃᑲᓐᓂᕈᒪᔪᖃᕋᓗᐊᖅᐸᑦ. ᐱᔪᒪᔭᐃᑦ ᓇᓂᒍᒫᖅᐸᐃᑦ ᐃᓐᓇᕈᕈᕕᑦ ᐊᒻᒪᓗ ᐱᐅᔪᐊᓘᒍᓐᓇᖅᓱᓂ ᖁᕕᐊᒋᑐᐊᕈᕕᐅᒃ.”

Get in touch with ᓯᐊᓕ ᐅ’ᒍᐊᒪᓐ