ᓖᓴ ᓲᑦᓯᐅ

ᓴᓇᐅᒐᓕᐅᖅᑎᐅᑉ ᐊᑎᖓ: ᓖᓴ ᓲᑦᓯᐅ

ᓴᓇᐅᒐᒥᓂ ᐊᑎᓕᐅᕈᓯᖓ: ᓖᓴ ᓲᑦᓯᐅ

ᓴᓇᐅᒐᓕᐅᖅᑎᐅᑉ ᓄᓇᖓ: ᐃᖃᓗᐃᑦ, ᓄᓇᕗᑦ

ᓴᓇᐅᒐᓕᐅᖅᑎᐅᑉ ᐱᕈᖅᕕᒋᓯᒪᔭᖓ: ᑲᖏᖅᓱᒑᐱᒃ, ᓄᓇᕗᑦ

ᓴᓇᖃᑦᑕᖅᓯᒪᔪᖅ ᐅᑯᓂᖓ: ᐊᑎᒋᓂᒃ, ᐳᐊᓗᓂᒃ, ᐃᓗᐱᕈᓂᒃ, ᐅᓗᓂᒃ, ᓂᐅᑦᓯᑦᑖᓂᒃ ᓇᓴᓂᒃ, ᐊᑎᒋᑦᓴᒥᓄᓪᓗ ᐆᑦᑑᑎᓂᒃ

ᓴᓇᐅᒐᓕᐅᕈᑎᒋᕙᑦᑕᖏᑦ: ᑭᓰᑦ ᐊᑎᒋᑦᓴᐅᑎᓪᓗᒋᑦ, ᓯᓚᐹᑦᓴᔭᐃᑦ, ᐳᐊᓗᐃᑦ

ᐊᕐᕌᒍᖅ ᐃᓅᓕᖅᕕᕕᓂᖓ: 1990

ᐃᖅᑲᓇᐃᔮᖓ: ᐊᓄᓪᓚᑦᓰᕕᒻᒥ ᐃᖅᑲᓇᐃᔭᖅᑐᖅ ᐲᓰᓰᒥ ᐊᓄᓪᓚᑦᓯᐊᓄᑦ ᐃᓄᓕᕆᔨᒋᔭᐅᑦᓱᓂ

ᓴᓇᐅᒐᓕᐅᖅᑎᐅᑉ ᐱᐅᓯᖓ: ᓖᓴ ᐱᕈᕐᓂᑰᑦᓱᓂ ᑲᖏᖅᓱᒑᐱᐅᖑᑦᓱᑎᒃ ᐃᓚᒌᑦ ᒥᖅᓱᕆᐅᖅᓴᖃᑦᑕᕐᓂᑯ ᐃᓕᓐᓂᐊᕕᒻᒥ ᐱᖅᑯᓯᓂᒃ ᐃᓕᓐᓂᐊᖅᑎᑕᐅᓕᕋᐃᒻᒪᑕ ᐃᓕᓐᓂᐊᖅᑏᑦ. ᒫᓐᓇ ᐃᖃᓗᒻᒥᐅᖑᓕᖅᑐ ᐃᖅᑲᓇᐃᔭᖅᓱᓂ ᐊᓄᓪᓚᑦᓰᕕᒻᒥ ᐲᓰᓰᒥ ᐃᓕᓴᐃᔨᐅᑦᓱᓂ ᐃᓄᓐᓄᑦ ᐱᖅᑯᓯᓂᒃ ᐱᔭᕆᐅᖅᓴᐅᑎᓂᒃ. ᓱᖕᖏᒐᐃᒐᒥ ᓇᒻᒥᓂᖅ ᐆᑦᑑᑎᑦᓴᓕᐅᖅᐸᑦᑐᖅ ᐊᑎᒋᓕᐅᕈᑎᓂᒃ ᐳᐊᓗᓕᐅᕈᑎᓂᓪᓗ ᓴᓇᕙᒃᑲᒥ ᐊᑎᒋᓂᒃ ᓯᓚᐹᓂᓪᓗ. ᓖᓴ ᐅᓗᓕᐅᓲᖑᒻᒥᔪᖅ ᑐᐱᓕᐅᖅᐸᑦᓱᓂ. ᑖᓐᓇ ᓇᒻᒥᓂᖅ ᓴᓇᕙᑦᑐᖅ ᐃᑲᔪᖅᑕᐅᑦᓱᓂ ᐊᓈᓇᒥᓄᑦ ᖃᑕᖕᖑᑎᒥᓄᑦ. ᓄᓂᕙᒋᐊᖅ ᐸᐅᕐᖓᓂᒃ ᐊᐅᔭᒃᑯᑦ ᖁᕕᐊᓲᖅ.

ᓴᓇᐅᒐᓕᐅᑎᐅᑉ ᐱᖅᑯᓯᕐᒥᒍᑦ ᐃᓕᖅᑯᓯᖅᓲᑎᒋᕙᑦᑕᖏᑦ: ᐃᓄᓐᓂᒃ ᐃᓕᓴᐃᕙᑦᑐᖅ ᖃᐅᔨᒪᖁᓪᓗᒋᑦ ᐃᓕᖅᑯᓯᓂᒃ; ᐊᓐᓇᐅᒪᐅᑎᓂᒃ ᓄᓇᒥ ᐅᑭᐅᒃᑯᑦ, ᑐᐱᓕᐅᕐᓂᕐᒥᒃ, ᐊᐅᓪᓛᖅᓯᒪᓂᕐᒥᓪᓗ.

ᑕᑯᔭᒐᖃᕐᕖᑦ ᐱᓯᒪᑦᓯᔪᑦ ᓴᓇᐅᒐᓕᐅᖅᑎᐅᑉ ᐃᓚᖏᑕᓗ ᓴᓇᖃᑦᑕᕐᓂᑯᖏᓐᓂᒃ; ᐱᖃᓐᓇᕆᔭᖓ ᓖᓴᐅᑉ, ᓚᕕᓂᐊ ᕚᓐ ᕼᐃᐅᕕᓕᓐ ᐃᓚᐅᖃᑦᑕᖅᓯᒪᔪᖅ ᐊᖅᓴᕐᓂᖕᖑᐊᓂᒃ ᑕᑯᓐᓇᖅᑎᑕᐅᔪᖃᖅᑎᓪᓗᒍ ᐋᑐᐋᒥ.

Get in touch with ᓖᓴ ᓲᑦᓯᐅ