ᓴᓇᐅᒐᓕᐅᑦᑎᐅᑉ ᐊᑎᓕᐅᕈᓯᖓ:
ᓈᑕᓕᐃᑎᓐᓄᐊᕐ
ᓇᐅᒐᓕᐅᖅᑎᐅᑉ ᓄᓇᖓ:
ᐋᑐᕚ, ᐋᓐᑖᕆᐅ
ᓴᓇᐅᒐᓕᐅᖅᑎᐅᑉ ᐱᕈᕐᕕᒋᓯᒪᔭᖓ ᓄᓇᒋᓯᒪᔭᖓᓗ:
ᑲᖏᕐᖠᓂᖅ, ᓄᓇᕗᑦ
ᓴᓇᓲᖅ ᒪᑯᓂᖓ:
ᐊᓐᓄᕌᑦᓴᓂᒃ, ᒥᖅᓱᒐᓂᒃ, ᐊᒥᐊᒐᓂᒃ, ᖃᓄᐃᑦᑐᑐᐃᓐᓇᕐᓂᒃ ᓴᓇᓲᖑᑦᓱᓂ ᓴᐸᖕᖏᕆᓲᖅ. ᓈᑕᓕ ᒫᓐᓇ ᐃᖅᑲᓇᐃᔭᖅᑐᖅ ᑲᒪᔨᐅᑦᓱᓂ ᖃᐅᔨᒪᒋᐊᓕᓐᓂᒃ ᑐᑭᓕᐅᕋᑦᓴᓂᒃ ᑲᓇᑕᒥ ᐊᕐᓇᐃᑦ ᑲᑐᔾᔨᖃᑎᒌᖏᓐᓂᒃ ᐸᐅᖅᑑᑎᒃᑯᓐᓂ.
ᓴᓇᐅᒐᓕᐅᕈᑎᒋᕙᑦᑕᖏᑦ ᓴᓇᓲᖏᓪᓗ:
ᓇᑦᓯᕋᔭᐃᑦ, ᑎᕆᒐᓐᓂᐊᔭᐃᑦ ᐊᒻᒪᓗ ᓱᓇᑐᐃᓐᓇᕐᓄᑦ ᐊᒥᕋᐃᑦ ᐆᒪᔪᖅᑕᐅᓂᑯᓄᑦ ᐅᑭᐅᖅᑕᖅᑐᒥ, ᐊᒻᒪᓗ ᒪᑯᓂᖓ ᖃᓪᓗᓈᖅᑕᓂᒃ ᐊᑭᑐᔪᑦᓴᔭᓂᒃ ᓴᔪᓗᒐᓚᓂᒃ. ᓈᑕᓕ ᐃᓚᒥᓄᑦ ᓴᓇᖃᑕᐅᕙᑦᓱᓂ ᓴᓇᔨᕈᖅᓯᒪᔪᖅ, ᐊᓯᓄᓪᓗ ᓅᖃᑦᑕᖅᓱᓂ, ᐅᓂᒃᑳᖅᑐᐊᖅᑐᓂᓪᓗ ᑐᓵᕙᑦᓱᓂ, ᐊᒻᒪᓗ ᑕᑯᓐᓇᕆᐊᖃᑦᑕᖅᓯᒪᔭᕐᒥᓄᑦ. ᒫᓐᓇ ᒥᖅᓱᖃᑦᑕᖅᑐᖅ ᐃᓕᖅᑯᓯᒃᑯᑦ ᐃᓄᓐᓄᑦ ᐊᓐᓄᕌᖑᕙᑦᑐᕕᓂᕐᓂᒃ ᐊᓚᒃᑲᐅᒪᔪᑦᓴᒫᓂᒃ.
ᐊᕐᕌᒍᖅ ᐃᓅᓕᖅᕕᕕᓂᖓ:
1993
ᓴᓇᐅᒐᓕᐅᖅᑎᐅᑉ ᐱᐅᓯᖓ:
ᓈᑕᓕ ᐃᓚᒥᓄᑦ, ᐱᓗᐊᖅᑐᒥ ᐋᓇᒥᓄᑦ/ᐊᓈᓇᑦᓯᐊᒥᓄᑦ, ᐊᓈᓇᒥᓄᓪᓗ, ᐊᔭᒥᓄᑦ/ᐊᑦᓴᒥᓄᑦ ᒥᖅᓱᕆᐅᕈᒪᑎᑕᐅᒪᔪᖅᑐ ᑕᑯᓐᓇᖃᑦᑕᖅᓯᒪᒐᒥᒋᑦ ᐃᓕᖅᑯᓯᓂᒃ ᐊᓐᓄᕌᓕᐅᖅᑎᓪᓗᒋᑦ ᐱᕈᖅᓴᑦᓱᓂ. ᓈᑕᓕᐅᑉ ᐃᖅᑲᐅᒪᕙᑦᑐᖅ ᐱᐅᒋᓯᒪᔭᒥᓂᒃ ᐊᓐᓄᕌᓕᐅᕈᓯᓂᒃ ᐅᑭᐅᖃᖅᓱᓂ 7-ᓂᒃ 8-ᓂᓪᓗᑭᐊᖅ ᑕᐃᑦᓱᒪᓂ ᑕᑯᓐᓇᕆᐅᕐᓂᕋᒥ ᐊᓐᓄᕌᓕᐊᒥᓃᑦ ᐊᓚᒃᑲᐅᒪᑎᑕᐅᓐᓂᕐᒪᑕ ᐊᑐᖅᑕᐅᑦᓱᑎᒃ ᐱᓱᕋᔭᒍᑕᐅᑦᓱᑎᒃ ᑕᑯᓐᓇᕆᐊᕆᐅᖅᓯᒪᑦᓱᓂ ᐋᑐᕚᒥ ᑕᐸᐃᖅᓯᒪᓚᐅᕐᓂᕋᒥ. ᑕᐃᑦᓱᒪᓂ ᒥᖅᓱᕆᐅᖅᓴᓯᔪᒥᓂᖅ ᐊᓐᓄᕌᓕᐅᖃᑦᑕᓯᑦᓱᓂ ᖃᓄᑐᐃᓐᓇᖅ ᓴᓇᒪᓂᓕᓐᓂᒃ. ᑭᖑᓂᐊᒍᑦ, ᓈᑕᓕ ᐃᓕᓐᓂᐊᕆᐊᕐᓂᑯ ᐊᓐᓄᕌᓕᐅᕆᐅᖅᓴᕕᒻᒥ, ᓴᓇᒋᐅᖅᓴᑦᓱᓂᓗ ᖃᓄᑐᐃᓐᓇᖅ ᓴᓇᒪᓂᑦᓴᐅᒍᓐᓇᖅᑐᓂᒃ, ᐊᒻᒪᓗ ᑕᕐᕆᔭᓂ ᐊᑐᖅᑕᐅᖃᑦᑕᑐᑦᓴᓂᒃ ᐊᓐᓄᕌᓕᐅᖅᐸᑦᓱᓂ.
ᓴᓇᐅᒐᓕᐅᖅᑎᐅᑉ ᑲᑦᓱᖓᐃᒍᑎᒋᕙᑦᑕᖏᑦ, ᐊᓚᒃᑲᕈᑎᒋᕙᑦᑕᖏᓪᓗ, ᐊᒻᒪᓗ ᑭᐅᔭᐅᒍᑎᒋᕙᑦᑕᖏᑦ:
ᓈᑕᓕ ᐅᖃᖅᐸᑦᑐᖅ ᐃᓛᓐᓂᒃᑯᑦ ᓴᓇᔪᑦᓴᐅᔮᖃᑦᑕᖏᓐᓂᕋᖅᓱᓂ. ᓇᒧᖕᖔᔭᓕᕋᐃᒐᒥ ᐃᖅᑲᓇᐃᔮᒥᒍᑦ ᐆᒻᒪᖃᑦᑕᖅᑐᖅ ᓴᓇᒍᒪᓂᖓ, ᐅᓂᒃᑳᖅᑐᐊᓄᑦ ᑐᓵᔭᒥᓂᖏᓐᓄᑦ ᐊᒻᒪᓗ ᑕᑯᓐᓇᖅᑕᒥᓂᕐᒥᓄᑦ ᑲᑦᓱᖓᐃᓕᖅᑎᑕᐅᒃᑲᓐᓂᖃᑦᑕᖅᑐᖅ. ᐱᖃᓐᓇᕆᔭᖃᕋᒥ ᐊᓯᓂᒃ ᓴᓇᐅᒐᓕᐅᓲᓂᒃ ᑲᑦᓱᖓᐃᒍᑎᒋᕙᒻᒥᔭᖏᑦ ᐅᖃᖃᑎᒋᓚᐅᖅᓱᒋᑦ ᓴᓇᕙᑦᑕᖏᑕ ᒥᑦᓵᓄᑦ.
ᓴᓇᐅᒐᓕᐅᖅᑎᐅᑉ ᐃᓚᐅᕕᒋᕙᑦᑕᖏᑦ ᐃᓕᖅᑯᓯᒃᑯᑦ ᐃᓄᓐᓄᑦ ᐱᖅᑯᓯᖅᓱᕐᕖᑦ:
ᓈᑕᓕ ᓴᓇᕙᑦᑐᖅ ᑭᓯᐊᓂ ᐃᓕᖅᑯᓯᒃᑯᑦ ᐊᓐᓅᕋᓕᐊᖑᕙᓐᓂᑯᓂᒃ ᓴᓇᕐᕈᑎᖃᖅᐸᑦᑐᖅ ᒫᓐᓇᕐᓂᑕᓂᒃ ᖃᓪᓗᓈᖅᑕᓂᒃ, ᓴᓇᒪᔪᓂᓪᓗ ᐊᒻᒪᓗ ᓱᓇᓅᖓᓂᖏᑦ ᐊᓐᓄᕌᓕᐊᖏᑕ. ᐊᑎᒋᓕᐅᖃᑦᑕᕋᑖᓚᐅᖅᑐᖅ ᐱᕕᐊᕐᓇᖅᑐᓂᒃ ᐅᓪᓗᒥ ᓴᓇᒪᓂᐅᕙᓕᖅᑐᓄᑦ ᑕᑯᒥᓇᖃᑕᓂᒃ.
ᓯᓚᑐᔪᑦ ᐅᖃᐅᓯᑦᓴᖏᑦ ᐊᓯᓄᑦ ᓴᓇᐅᒐᓕᐅᓲᓄᑦ:
ᓈᑕᓕ ᑲᐃᓪᓗᐊᖃᑕᐅᕗᖅ ᐊᓯᓂᒃ ᓴᓇᐅᒐᓕᐅᖅᑎᓂᒃ ᒪᒃᑯᒃᑐᓂᓪᓗ ᕿᓂᖃᑦᑕᖁᓪᓗᒋᑦ ᐱᒍᒪᓕᕈᑎᑦᓴᒥᓐᓂᒃ: “ᕿᓂᕐᓗᒋᑦ ᑐᒥᑎᑦ ᑐᕌᕈᑎᒋᒃᑭᑦ”. ᐅᖃᖃᑦᑕᕐᒥᔪᖅ ᐳᓛᕆᐊᖃᑦᑕᖁᔨᑦᓱᓂ ᐃᓐᓇᒪᕆᓐᓄᑦ ᐊᑦᓱᕈᕐᓇᖅᑐᒃᑰᓕᕋᐃᒍᑎᒃ, ᑐᖕᖓᕕᑦᓴᖃᑦᓯᐊᖁᓪᓗᒋᑦ ᐅᖃᓕᒪᕕᑦᓴᖃᑦᓯᐊᖁᓪᓗᒋᓗ ᐅᐱᓐᓇᕋᓂ ᑕᐃᒫᒃ ᑭᓯᐊᓂ ᐃᓗᐃᑦᑑᓚᖓᔪᒍᑦ.
ᓴᓇᐅᒐᖏᓐᓂᒃ ᓂᐅᕕᕐᕕᑦᓴᐃᑦ:
ᓈᑕᓕᐅᑉ ᓇᒻᒥᓂᖅ ᓴᓇᕙᑦᑕᖏᑦ ᓂᐅᕐᕈᑎᑦᓴᓕᐊᕆᕙᖕᖏᑕᖏᑦ ᐱᓯᒪᒍᒪᖃᑦᑕᕐᒪᒋᑦ ᓴᓇᐅᒐᓂ. ᒫᓐᓇ ᑎᑭᓴᐃᕕᑦᓴᐅᖕᖏᒃᑲᓗᐊᖅᓱᓂ ᓱᓕ ᖃᐅᔨᑎᑕᐅᒍᓐᓇᖅᑐᖅ ᓴᓇᐅᒐᓂᒃ ᐊᓚᒃᑲᐅᒪᑎᑦᓯᓂᐅᓴᔪᓄᑦ.
ᓈᑕᓕᐅᑉ ᓴᓇᐅᒐᖏᑦ ᑕᑯᔭᑦᓴᐃᑦ ᐅᑯᑎᒎᓇ:
ᐃᓐᔅᑕᒍᕌᒻ: who_natjoan or artxatuat
- ᐄᒪᐃᔪᒃᑯᑦ: joanatuat@gmail.com