ᓇᓗᓇᐃᒃᑯᑕᕗᓐ ᑕᕐᓴᕗᓪᓗ
ᐃᓴᕈᐃᒃᑯᓐ ᑕᕐᓴᖓ ᓴᓇᔭᐅᓯᒪᕗᖅ ᐃᓄᖕᒧ ᓴᓇᐅᒐᓕᐅᖅᑎᒧ ᐃᒃᐱᒍᓱᑦᑎᐊᖅᑐᒧ ᐱᖅᑯᓯᑐᖃᑦᑎᒍᓐ ᒥᕐᓱᕈᓯᕐᓂ ᐊᒻᒪᓗ ᖁᓕᕇᒃᑐᓂ ᑐᑭᖃᐅᕐᓂᖓᓄᑦ ᐅᖃᐅᓯᖅᑕᖅ ᐃᓴᕈᐃᑦ – ᐃᓴᕈᐃᑦ.
ᑕᒪᐃᓐᓂᒃ
ᐅᓂᒃᑳᖅᑐᐊᓂ ᐊᔪᓐᖏᓐᓂᕆᔭᐅᔪᓂᒡᓗ ᓴᖅᑭᑦᑐᓐ
ᐃᓴᕈᐃᑦ ᑕᕐᓴᖓᓐ ᓯᕗᓪᓕᕐᒥ ᐃᓱᒪᓕᐊᖑᓚᐅᖅᐳᖅ ᒪᕆ ᓖ ᓯᖑᕆ ᑐᕆᒻᐱᒧᓐ, ᒪᒃᑯᒃᑐᖅ ᐃᓅᓪᓗᓂ ᓴᓇᐅᒐᓕᐅᖅᑎᐅᔪᖅ ᐋᑐᐋ ᖃᓂᒋᔮᓂ ᐱᕈᕐᓂᑰᓪᓗᓂ. ᔭᐸᓕᐅᖃᑕᐅᓪᓗᓂ ᐃᓴᕈᐃᒃᑯᓐᓂ ᕕᕗᐊᕆ 2020-ᖑᑎᓪᓗᒍ, ᒪᕆ ᓖ ᓴᓇᓯᒋᐊᓚᐅᖅᐳᖅ ᑎᒥᐅᔫᑉ ᐊᑎᖓᓐᓂᒃ ᐱᒋᐊᕐᕕᖃᕐᖢᓂ – ᐃᓴᕈᐃᑦ, ᑐᑭᖃᖅᑐᖅ “ᐃᓴᕈᖕᓂ” ᖃᓪᓗᓈᑎᑐᑦ.
ᔭᐸᓕᐅᖅᑎᓪᓗᒋᓐ, ᖃᐅᔨᓕᓚᐅᖅᐳᖅ ᑲᖑᐃᓐ ᐃᓴᕈᖏᓐ ᐊᑐᖅᑕᐅᕙᒃᑐᕕᓂᐅᓂᖏᓐᓄ ᓴᓂᐅᑎᒋᔭᐅᓪᓗᑎᒃ – ᓴᓂᐅᑎᒋᔭᐅᓪᓗᑎᒃ ᑐᐱᓐ ᐃᒡᓗᓪᓗ ᓇᑎᖏᓐᓄᓐ. ᐃᓴᕈᐃᓪᓗ ᒥᐊᓂᕆᓂᕐᓗ ᑕᐃᒪᓐᓇ ᐃᓕᓐᖓᓂᖏᓐ ᐃᓱᒪᓕᐅᕈᑎᒋᓕᓚᐅᖅᐸᖏᒃ: ᒥᕐᓱᕐᓂᖅ ᓴᓇᓂᕐᓗ, ᐃᓄᐃᑦ ᐃᓕᖅᑯᓯᖏᑦᑎᒍᓐ, ᖁᕝᕙᕆᐊᕈᑕᐅᔪᓐᓇᖅᐳᓐ ᐃᓅᓯᕐᒧᓐ.
ᐃᓱᒪᓕᐊᖑᓯᒪᔪᓐ ᓴᓇᐅᒐᓄ
ᐃᓴᕈᐃᑦ, ᐊᐅᓚᔮᕐᓂᖅ, ᐊᒻᒪ ᑐᑭᖓ
ᐃᓴᕈᐃᑦ ᐊᐅᓚᔮᕐᓂᖏᓐᓂ ᐃᓱᒪᐅᔭᖅᑎᓪᓗᒍ, ᒪᕆ ᓖ ᐃᓱᒪᒃᓴᕐᓯᐅᓕᓚᐅᖅᐳᖅ ᖃᓄᖅ ᓇᓗᓇᐃᒃᑯᑕᓕᐅᕈᓐᓇᕋᔭᕐᓂᖓᓄ. ᐅᔾᔨᕆᓕᓚᐅᖅᐳᖅ ᐅᓘᒻ ᑮᓇᖓ ᓴᖑᓯᒪᓂᖓᓂᒃ – ᐱᖅᑯᓯᑐᖃᒃᑯᑦ ᐃᓄᖕᓄ ᐅᓗᒋᔭᐅᖏᓐᓇᖅᑐᒥᒃ – ᐋᖅᑭᐅᒪᓂᖓ ᐊᔾᔨᖃᓪᓗᐊᕐᓂᖓᓄᓐ ᐃᓴᕈᕐᓄ, ᑯᔾᔭᖅᑎᑦᑕᕌᖓᓪᓗ, ᑎᒍᒥᐊᕐᕕᒃ ᓲᕐᓗ ᑲᖑᐃᓐ ᐃᓯᒐᒋᐅᖅᑰᔨᓂᖏᓐᓄᓐ.
ᑕᒪᒃᑯᓇᓐᖓᑦ ᐊᐅᓚᔮᖅᑐᓂ ᐅᓂᒃᑳᖅᑐᐊᓂᒡᓗ ᐱᓪᓗᓂ, ᖃᕆᑕᐅᔭᒃᑯᓐ ᑎᑎᕋᐅᔭᓚᐅᖅᐳᖅ ᐱᐅᓯᒋᐊᒃᑲᓐᓂᕐᖢᓂᓗ ᐃᓴᕈᐃᒃᑯᑦ ᑲᑎᒪᖏᓐᓄᓐ ᖃᐅᔨᒃᑲᓐᓂᖅᑎᑕᐅᒐᒥ, ᑕᒪᐃᓐᓂᒡᓗ ᐊᖏᕈᑎᖃᓚᐅᕐᖢᑎᒃ ᐃᓴᕈᐃᑦ ᑕᕐᓴᕆᓕᕐᖢᓂᐅᒃ.
ᑕᕐᓴᖓᓂ ᖁᓕᕇᖕᓂᐅᔪᓐ
ᐃᓴᕈᖏᑦ ᑐᑭᖃᖅᑐᓗᒃᑖᓐ
ᑎᑎᕋᐅᔭᖅᑎᒻᒪᕆᓐ Beat Studios ᑭᖑᓂᐊᒍᓐ ᑎᑎᕋᐅᔭᖅᑕᐅᓯᒪᔪᒥᒃ ᑕᕐᓴᖏᓐᓂᒡᓗ ᐋᖅᑭᒃᓱᐃᑦᑎᐊᒃᑲᓐᓂᓚᐅᖅᐳᓐ, ᐅᓪᓗᒥᐅᔪᖅ ᐱᐅᓪᓚᕆᒃᖢᓂ ᑕᑯᒃᓴᐅᓕᖅᐳᖅ. ᑭᓯᐊᓂ ᓴᓇᔭᐅᕐᖓᓚᐅᕐᓂᖓ ᐊᓯᔾᔨᓐᖏᓚᖅ – ᐃᓴᕈᓕᒫᖏ ᐅᓂᒃᑲᐅᓯᖃᖅᐳᓐ:
- ᒥᑭᑦᑐᖅ ᑲᔪᖅᑐᖅ ᑭᒡᒐᖅᑐᐃᕗᖅ ᐃᓄᖕᓂ ᐃᓐᓇᕐᓂ, ᑐᓐᖓᕕᒋᔭᕗᑦ ᖃᐅᔨᒪᓂᖃᕐᕕᒋᔭᕗᓪᓗ.
- ᐊᐅᐸᖅᑐᖅ ᖁᓕᑦᑎᐊᖓᓃᑦᑐᖅ ᑭᒡᒐᖅᑐᐃᔪᖅ ᐃᓄᖕᓂᒃ ᐊᖑᑎᓂᒃ, ᐊᔪᓐᖏᓐᓂᕆᔭᖏᓐ ᓴᓇᕐᕈᑎᓕᐅᖅᐸᖕᓂᒃᑯᓐ ᐃᑲᔪᕐᓱᐃᕙᖕᒪᑕ ᒥᕐᓱᕐᓂᕐᒧᓪᓗ ᐱᕚᓪᓕᕈᑕᐅᕙᒃᖢᑎᓐ.
- ᑐᖑᑦᑑᖅᑐᖅ ᐃᓴᕈᖅ ᑭᒡᒐᖅᑐᐃᕗᖅ ᐊᕐᓇᐃᑦ ᒥᕐᓱᕈᓯᖏᓐᓂ, ᐃᓴᕈᐃᒃᑯᑦ ᖃᐅᑕᒫᓐ ᐱᓕᕆᐊᕆᓪᓗᐊᑕᖅᐸᒃᑕᖏᓐ.
- ᐊᖏᔪᖅ ᖁᓪᓕᖅᐹᖅ ᐃᓴᕈᖅ ᑭᒡᒐᖅᑐᐃᕗᖅ ᓄᑕᖅᑲᓂ ᒪᒃᑯᒃᑐᓂᒡᓗ, ᐃᑲᔪᕐᓱᖅᑕᐅᓯᒪᔪᓐ ᖁᕝᕙᖅᑎᑕᐅᔪᓪᓗ ᓯᕗᓪᓕᕕᓂᕐᒥᓄ – ᓇᖕᒥᓂᕐᓱᓕᕐᓂᐊᖅᑎᓪᓗᒋᓐ.
ᐱᖅᑯᓯᑐᖃᕐᓄ ᐸᐸᑕᖅ
ᑐᑭᖃᐅᖅᑐᖅ ᓇᓗᓇᐃᒃᑯᑕᖅ
ᓇᓗᓇᐃᒃᑯᑕᕗᓐ ᑕᕐᓴᑐᐃᓐᓇᐅᓐᖏᓚᖅ – ᑭᒡᒐᖅᑐᐃᕗᖅ ᐃᓄᐃᓐ ᐱᖅᑯᓯᑐᖃᖏᓐᓂ, ᐃᓕᓐᓂᐊᕆᐊᖅᑎᑕᐅᕙᓚᐅᖅᑐᓐ ᐃᑲᔪᕐᓱᖅᑕᐅᔭᕆᐊᖃᕐᓂᖏᓐᓂ, ᓴᓐᖏᓐᓂᖅᑖᖅᑐᕈᓐᓇᖅᐸᖕᓂᕐᒥᒡᓗ ᓴᓇᕙᖕᓂᒃᑯᑦ ᐊᒥᖅᑳᖅᐸᖕᓂᒃᑯᓪᓗ. ᐃᓐᓇᕐᓂ ᒪᒃᑯᒃᑐᓄᓕᒫᖅ, ᓇᓗᓇᐃᕐᓯᔾᔪᑕᐅᕗᖅ ᑕᒪᐃᑕ ᐃᓂᖃᖅᑐᐃᓐᓇᐅᓂᑦᑎᓐᓄᑦ ᓴᓇᓂᕐᒥᒃ, ᐃᓕᓴᐃᓂᕐᒥᒃ, ᖁᕝᕙᕆᐊᖅᑎᑦᑎᓂᕐᒥᒡᓗ ᐊᓯᑦᑎᓐᓂ.