ᐅᓂᒃᑲᐅᓯᕗᓐ
ᐃᓴᕈᐃᑦ ᓴᖅᑭᓚᐅᕐᓯᒪᕗᓐ ᑲᑎᓐᖓᓂᖃᓕᒃᑲᓐᓂᕈᒪᓂᕐᒥᒃ – ᓄᓇᒧᓐ, ᐅᖃᐅᓯᕐᒧᓐ, ᐃᓕᖅᑯᓯᑐᖃᕐᓄᓐ, ᐃᓅᖃᑎᒌᖕᓂᑦᑎᓐᓄᓪᓗ – ᓴᓇᐅᒐᓕᐊᒃᑯᓐ, ᐊᔪᓐᖏᓐᓂᖃᐅᕐᓂᒃᑯᓐ ᑕᐃᒫᑦᑕᐃᓐᓇᕐᓗ ᐊᑐᖃᑦᑕᕐᓯᒪᓂᒃᑯᓐ.
ᓄᓇᓕᖕᒥᐅᓄ ᐱᒋᐊᖅᑎᑕᐅᓯᒪᔪᓐ
ᓴᓇᔭᐅᓯᒪᔪᓐ ᐃᓄᖕᓄ ᓴᓇᐅᒐᓕᐅᖅᑎᓄ
ᐃᓴᕈᐃᑦ ᐋᑐᐋᒥ ᒪᑐᐃᓚᐅᕐᓯᒪᕗᖅ ᐱᔭᐅᔭᕆᐊᖃᖅᑐᒥ ᐃᓱᒪᓪᓗᑎᓐ: ᐃᓄᖕᓄ ᓴᓇᐅᒐᓕᐅᖅᑎᓄ ᓄᓇᓕᖅᐸᐅᔭᕐᓃᑦᑐᓄ – ᓄᓇᒥᓂ ᐅᖓᓯᒃᓴᖅᑐᓂ – ᐃᓂᖃᕆᐊᖃᕐᓂᕐᒥᓄ, ᐃᑲᔪᕐᓱᖅᑕᐅᓯᒪᔭᕆᐊᖃᕐᓂᕐᒥᓄ ᐊᒻᒪ ᐃᓅᖃᑎᒌᒍᓐᓇᕆᐊᖃᕐᓂᕐᒥᓄ.
ᓴᖅᑭᑎᑕᐅᓚᐅᕐᓯᒪᓪᓗᓂ ᐃᓄᖕᓄ ᐊᕐᓇᕐᓄ ᓴᓇᐅᒐᓕᐅᖅᑎᓄᓪᓗ, ᑖᓐᓇ ᑎᒥᐅᔪᖅ ᐱᕈᕐᓯᒪᕗᖅ ᒥᕐᓱᕐᕕᑐᐃᓐᓇᐅᓚᐅᖅᑐᖅ ᐆᒻᒪᕆᓕᕐᖢᓂ ᓄᓇᓕᖕᒥᐅᓕᒫᓄ ᐊᑐᖅᑕᐅᔪᓐᓇᓕᕐᖢᓂ. ᐃᕙᓗᓂ ᓴᓇᐅᒐᓕᐊᒃᓴᓂᒡᓗ ᐱᒋᐊᓚᐅᕐᓯᒪᔪᖅ ᓴᓇᐅᒐᓕᐅᕐᕕᒃ, ᒥᖑᐊᕐᕕᒃ, ᑐᓴᐅᒪᔪᓕᕆᕝᕕᒃ, ᓂᕿᓪᓚᑦᑖᓂ ᐊᒥᖅᑳᖃᑦᑕᕐᕕᒃ, ᐊᒻᒪ ᐃᓕᓴᐃᔨᖃᖃᑦᑕᕐᓂᖅ ᐃᓄᐃᑦ ᐃᓕᖅᑯᓯᖏᓐᓂ ᑐᓐᖓᕕᖃᐅᖅᑐᓐ ᓴᖅᑭᓯᒪᐅᓕᖅᐳᓐ.
ᐃᓂᒋᔭᐅᔪᓐᓇᖅᑐᖅ ᒪᒥᓴᕐᓂᕐᒧᓐ, ᓴᓇᓂᕐᒧᑦ, ᓯᕗᓕᐅᖅᑎᐅᓂᕐᒧᓪᓗ
ᑲᑎᓐᖓᓂᖅ ᑲᑐᔾᔨᓂᕐᒧᓐ
ᐊᒥᓱᓐ ᐃᓄᐃᓐ ᐋᑐᐋᒧᐊᖅᐸᖕᒪᑕ ᐋᓐᓂᐊᖅᑕᐃᓕᔪᓕᕆᓂᕐᒧ, ᐃᓕᓐᓂᐊᖅᑐᓕᕆᓂᕐᒧ, ᐊᓯᖏᓐᓄᓪᓗ ᐱᔨᑦᑎᕋᐅᑎᓄ – ᐱᕕᑭᒐᔪᒃᖢᑎᓐ ᓄᓇᖅᑲᑎᒥᓄ ᐃᓕᖅᑯᓯᑐᖃᕐᒥᓄᓪᓗ. ᐃᓴᕈᐃᑦ ᓴᓇᐅᒐᓕᐅᕐᓂᕐᒧ ᑎᒥᑐᐃᓐᓇᐅᔪᓐᓃᓚᐅᖅᐳᖅ: ᑲᑎᓐᖓᓂᖃᓕᒃᑲᓐᓂᕐᕕᐅᕗᖅ, ᓂᐱᖃᓕᒃᑲᓐᓂᕐᕕᐅᕗᖅ ᒪᒥᓴᕐᕕᐅᔪᓐᓇᖅᐳᕐᓗ.
ᐃᓄᐃᓐ ᓂᐱᖏᓐᓂ ᖃᐅᔨᒪᐅᕐᓂᖏᓐᓂᒡᓗ ᐃᓱᒪᓪᓗᐊᑕᕐᖢᑕ, ᐃᓴᕈᐃᑦ ᐃᑲᔪᕐᓱᐃᓯᒪᐅᖅᐳᓐ ᓴᓇᐅᒐᓕᐅᖅᑎᓂ ᐃᖕᒥᖕᓂ ᖃᐅᔨᒃᑲᓐᓂᓕᖅᑎᓪᓗᒋᑦ, ᐊᔪᓐᖏᓐᓂᕆᔭᖏᓐᓂ ᐱᓕᒻᒪᒃᓴᒃᑲᓐᓂᕈᓐᓇᖅᑎᓪᓗᒋᑦ, ᐊᒻᒪ ᓯᕗᓕᐅᖅᑎᓐᖑᕆᐅᕐᓴᔪᓐᓇᖅᑎᓪᓗᒋᑦ. ᑕᒪᐃᓐᓂ ᐃᓕᓐᓂᐊᓯᓐᓈᕈᑕᐅᕙᒃᑐᑦ, ᐳᓛᕐᓂᐅᕙᒃᑐᑦ, ᑕᑯᓐᓈᒐᒃᓴᖃᕐᓂᐅᕙᒃᑐᓪᓗ ᐃᓕᖅᑯᓯᑐᖃᑦᑎᓐᓄ ᑲᔪᓯᐅᒪᐃᓐᓇᕈᑎᒋᕙᕗᓐ ᐃᓄᐃᓪᓗ ᓂᐱᒥᓂ
ᓴᓇᐅᒐᓕᐅᕐᕕᖕᓂ ᓂᐱᒋᔭᐅᔪᓐ
ᐃᓴᕈᐃᑦ ᐅᕙᓐᓄᓪᓕ ᒥᕐᓱᕐᕕᑐᐃᓐᓇᐅᓐᖏᓚᖅ – ᓂᐱᑖᕈᑎᒋᓯᒪᕙᕋ. ᑕᒪᐅᓐᖓᓚᐅᖅᑐᖓ ᓴᓇᐅᒐᓕᐅᕆᐊᖅᑐᕐᖢᖓ, ᖃᐅᔨᓕᓚᐅᖅᐳᖓ ᓄᓇᖅᑲᑎᒌᓂ, ᒪᒥᓴᕐᓂᕐᒥ, ᓴᓐᖏᓂᖃᕐᓂᕐᒥᒡᓗ ᑲᔪᓯᐅᒪᐃᓐᓇᕆᐊᒃᓴᖅ.
ᖃᐅᔨᔭᐅᔪᒪᓇᓂ ᐃᓴᕈᐃᒃᑯᓐᓂ ᓴᓇᐅᒐᓕᐅᖅᑎ
ᐱᕈᕐᓂᕗᓐ
ᒥᕐᓱᖅᑎᓕᕆᓂᕐᒥᓐ ᑲᓇᑕᒥ ᓂᐱᒋᔭᐅᓕᕐᓂᕐᒧᓐ
2022-ᖑᑎᓪᓗᒍ, ᐃᓴᕈᐃᑦ ᓯᕗᓪᓕᖅᐹᑦᑎᐊᕐᒥ ᐃᓄᖕᓂ ᐃᓄᐃᓐ ᓄᓇᖏᓐᓂ ᖃᓪᓗᓈᓂᓗ ᓴᓇᐅᒐᓕᐅᖅᑎᓂ ᑲᑎᓐᖓᑎᑦᑎᓚᐅᖅᐳᓐ ᐋᑐᐋᒥ- ᑲᑎᓐᖓᐅᖅᑐᑦ ᐋᖅᑭᒃᑕᐅᓯᒪᓪᓗᑎᓐ ᓴᓇᐅᒐᓕᐅᖅᑎᓄ ᓴᓇᐅᒐᓕᐅᖅᑎᓄᓪᓗ ᑐᕌᖓᓪᓗᑎᓐ, ᐊᑐᖅᑕᐅᓯᒪᓐᖏᑦᑐᓂ ᐊᑐᖃᑦᑕᕐᖢᑎᓐ ᓴᖅᑭᑎᑦᑎᒃᑲᓐᓂᕈᑎᒃᓴᓂ ᐊᔭᐅᕆᔾᔪᑎᒃᓴᓂᒡᓗ.
ᑕᐃᒪᓐᖓᓂ ᐱᕈᖅᐸᓪᓕᐊᓯᒪᕗᒍᓐ ᓴᓇᐅᒐᓕᐅᖅᑎᓂ ᐃᓄᐃᓐ ᓄᓇᖏᓐᓂ ᖃᓪᓗᓈᓂᓗ, ᑲᑎᖃᑎᒌᒃᐸᒃᖢᑎᑦ ᐃᓕᓐᓂᐊᓯᓐᓈᖅᐸᖕᓂᒃᑯᓐ, ᖃᕆᑕᐅᔭᒃᑯᓐ ᑲᑎᒪᖃᑎᒌᒍᑎᒍᓐ, ᑭᒃᑯᓗᒃᑖᓂᒡᓗ ᖃᐅᔨᒋᐊᕈᑎᖃᖃᑦᑕᕐᓂᒃᑯᓐ. ᐃᓴᕈᐃᑦ ᐋᖅᑭᒃᓯᓯᒪᒋᕗᓐ ᐃᓴᕈᐃᒃᑯᓐᓂ ᐃᓄᖕᓄ ᓴᓇᐅᒐᓕᐅᖅᑎᓄ ᖃᐅᔨᒋᐊᕈᑎᓂ – ᑲᓇᑕᒥ ᐃᓄᖕᓄ ᓴᓇᐅᒐᓕᐅᖅᑎᓄ ᖃᐅᔨᒋᐊᕈᑎᒃᓴᓂ.
ᐃᓴᕈᐃᑦ ᑐᑭᖓ
ᐊᑎᕗᓐ, ᓯᕗᓂᒃᓴᕗᓐ
ᐅᖃᐅᓯᖅᑕᖅ ᐃᓴᕈᐃᑦ ᑐᑭᖃᖅᐳᖅ ᐃᓴᕈᕐᓂᒃ – ᐃᓴᕈᐃᓐ ᐃᓄᖕᓄ ᒪᑭᒋᐊᕈᑕᐅᔪᓐᓇᖅᑐᓐ ᖃᓪᓗᓈᓂ ᐊᓯᖏᓐᓂᓗ ᑕᑯᓕᒪᓇᓐᖏᑦᑐᓂ ᐊᕙᓗᒥᐅᑕᖃᐃᓐᓇᓕᕐᖢᑎᓐ ᐅᓚᕕᓴᐅᑕᐅᕙᒃᑐᓂ ᑕᒪᐅᓐᖓᖅᑐᓪᓗ ᑕᖅᑲᒃᑯᓇᓂ ᓄᓇᕐᔪᐊᕐᒦᑦᑐᓂ ᕿᒥᕐᕈᑦᑎᐊᖅᐸᒍᓐᓇᖁᓪᓗᒋᓐ. ᑕᐃᒪᐃᑦᑐᒪᕗᒍᓐ ᐃᓄᖕᓄ ᓴᓇᐅᒐᓕᐅᖅᑎᓄ; ᐃᓴᕈᒋᔭᐅᓗᑕ ᐊᖑᑦᑎᔪᓄᓐ ᓴᓇᐅᒐᓕᐅᕈᓐᓇᑦᑎᐊᕐᓂᕐᒧᓐ, ᐱᓇᔪᒍᓐᓇᑦᑎᐊᕐᓂᕐᒧᓐ, ᓇᖕᒥᓂᕐᓱᕈᓐᓇᑦᑎᐊᕐᓂᕐᒧᓐ, ᐊᒻᒪ ᐊᔪᓐᖏᓐᓂᖃᐅᕈᓐᓇᑦᑎᐊᕐᓂᕐᒧᓐ.
ᐃᓴᕈᐃᒃᑯᑎᒍᑦ, ᓄᕕᔭᓂ ᑎᒍᓯᕗᒍᓐ – ᐅᓂᒃᑲᐅᓯᒃᓴᑦᑎᓐᓄ, ᐅᖃᐅᓯᒃᓴᑦᑎᓐᓄ, ᐃᓕᖅᑯᓯᑐᖃᑦᑎᒍᓐ ᓴᖅᑭᔮᖅᑎᑦᑎᓂᑦᑎᓐᓄ, ᐊᒻᒪ ᓯᕗᓂᒃᓴᑦᑎᓐᓄ.