ᓯᕗᓪᓕᐅᑎᑕᕗᓐ
ᐃᓴᕈᐃᒃᑯᓐᓂ, ᐱᓕᕆᐊᕗᓐ ᐃᓄᐃᓐ ᓯᕗᓪᓕᐅᑎᑕᖏᓐᓂ ᑐᓐᖓᕕᖃᐅᖅᐳᓐ. ᑕᒪᒃᑯᐊ ᑐᓐᖓᕕᒋᔭᕗᓐ ᐊᑐᕐᖢᒋ ᓴᓇᕙᒃᐳᒍᓐ, ᐃᓕᓴᐃᕙᒃᐳᒍᓐ, ᐊᐅᓚᑦᑎᕙᒃᐳᒍᓐ, ᐃᑲᔪᕐᓱᐃᕙᒃᖢᑕᓗ – ᑕᒪᐃᓐᓂ ᓄᓇᖅᑲᑎᒋᓪᓗᑎᒍᓐ, ᐃᓕᖅᑯᓯᖃᖃᑎᒋᓪᓗᑎᒍᓐ ᐱᓇᔪᖕᓂᖃᖃᑎᒋᓪᓗᑎᒍᓪᓗ.
ᐃᓄᐃᓐ ᖃᐅᔨᒪᓂᕆᔭᖏᓐᓂ ᑐᓐᖓᕕᖃᕐᓂᖅ
ᓯᕗᓪᓕᐅᑎᑕᕗᓐ ᐊᖅᑯᓯᐅᕈᑎᒋᕙᕗᑦ
ᐅᑯᐊ 8-ᖑᔪᓐ ᐊᐅᓚᑦᑎᓂᕐᒧ ᓯᕗᓪᓕᐅᔾᔭᐅᔪᓐ ᐱᖅᑯᓯᑐᖃᑦᑎᒍ ᖃᐅᔨᒪᓂᕆᔭᓐ, ᐊᔪᓐᖏᓐᓂᕆᔭᓐ, ᓯᕗᓪᓕᐅᔾᔭᐅᔪᓪᓗ ᐊᑐᕐᓯᒪᕗᓐ ᐃᓄᖕᓄ ᖃᑕᓐᖑᑎᒌᓄ ᓄᓇᓕᖕᒥᐅᓄᓪᓗ ᑎᒥᐅᔪᒥ ᐊᕐᕌᒍᒐᓴᐅᓕᖅᑐᓄ. ᖃᓄᓗᒃᑖᖅ ᐃᓴᕈᐃᒃᑯᓐᓂ ᐱᓕᕆᐊᑦᑎᓐᓄ ᐋᖅᑭᒃᓱᐃᔾᔪᑎᒋᕙᒃᐸᕗᓐ – ᖃᐅᑕᒫᓐ ᐱᓕᕆᐊᑦᑎᓐᓂ ᑕᐅᕗᖓᓕᒫᖅ ᓯᕗᓂᒃᓴᑦᑎᓐᓄ ᑕᐅᑐᒐᓕᐅᕐᓂᕐᒧᓐ – ᖃᐅᔨᓴᕈᑎᒋᓪᓗᑎᒍᓪᓗ ᐃᓴᕈᐃᑦ ᐃᓂᒋᔭᐅᒐᓗᐊᕐᒪᖔᓐ ᒪᒥᓴᕐᓂᕐᒧ, ᓴᓇᓂᕐᒧ, ᑲᑎᓐᖓᓕᒃᑲᓐᓂᕐᓂᕐᒧᓪᓗ.
ᑐᓐᖓᓇᕐᓂᖅ
ᑐᓐᖓᓇᕐᓂᕐᒥ ᐊᔭᐅᕆᓂᖅ ᒪᑐᐃᓐᖔᑦᑎᐊᕐᓂᒃᑯᓐ, ᑐᓐᖓᓇᕐᓂᒃᑯᓐ, ᐃᓚᐅᓂᖃᑦᑎᐊᕐᓂᒃᑯᓪᓗ.
ᐱᓇᔪᒃᐳᒍᓐ ᑭᒃᑯᓗᒃᑖᓐ ᐊᑦᑕᕐᓇᓐᖏᑦᑐᒦᖁᓪᓗᒋᓐ ᓯᕗᓪᓕᐅᔾᔭᐅᔪᓐᓇᖁᓪᓗᒋᓪᓗ – ᖃᐃᔭᕆᐅᕈᓂ ᖃᐃᖏᓐᓇᐅᔭᕋᓗᐊᕈᓂᓘᓐᓃᓐ.
ᖃᓄᖅᑑᕐᓂᖅ
ᖃᓄᖅᑑᕈᓐᓇᕐᓂᖅ ᐱᓇᔪᒍᓐᓇᕐᓂᕐᓗ
ᐊᔭᐅᕆᕗᒍᓐ ᓴᓇᔪᓐᓇᕐᓂᕐᒥᒃ, ᐊᑲᐅᓐᖏᓕᐅᕈᑕᐅᔪᓂ-ᐋᖅᑭᒃᓱᐃᔪᓐᓇᕐᓂᕐᒥᒃ, ᐊᓂᒎᔾᔨᓴᕋᐃᓐᓂᕐᒥᒡᓗ – ᒥᕐᓱᕐᓂᒃᑯᓐ, ᓴᓇᐅᒐᓕᐅᕐᓂᒃᑯᓐ ᓄᓇᖅᑲᑎᒌᒃᑲᓐᓂᓕᕐᓂᒃᑯᓪᓘᓐᓃᓐ.
ᐱᔨᑦᑎᕐᓂᖅ
ᐱᔨᑦᑎᕐᓂᖅ ᐊᑐᐃᓐᓇᐅᑎᑦᑎᓂᕐᓗ ᖃᑕᓐᖑᑎᑦᑎᓐᓄ ᐊᒻᒪ/ᐅᕝᕙᓘᓐᓃᑦ ᓄᓇᖅᑲᑎᑦᑎᓐᓄᓐ.
ᐱᓕᕆᐊᕗᓐ ᑐᓐᖓᕕᖃᓪᓚᕆᒃᐳᓐ ᑐᓂᓯᔪᓐᓇᑦᑎᐊᕐᓂᕐᒥᖕ. ᖁᕝᕙᖅᑎᖃᑦᑕᐅᑎᕙᒃᐳᒍᓐ ᐱᖃᕈᑦᑕᓗ ᐊᒥᖅᑳᖅᐸᒃᐳᒍᓐ.
ᐱᓕᕆᖃᑎᒌᖕᓂᖅ/ᐃᑲᔪᖅᑎᒌᖕᓂᖅ
ᐱᓕᕆᖃᑎᒌᖕᓂᖅ ᑕᐃᒫᑦᑕᐃᓐᓇᖅ ᑐᕌᒐᖃᐅᕐᓂᑦᑎᓐᓄᓐ.
ᐱᓕᕆᖃᑎᒌᖕᓂ ᕿᑎᓪᓗᐊᑦᑎᓐᓃᑉᐳᖅ. ᐅᒃᐱᕈᓱᒃᐳᒍᓐ ᐃᑲᔪᖅᑎᒌᖕᓂᕐᒥᒃ ᑕᐃᒫᑦᑕᐃᓐᓇᕐᓗ ᑐᕌᒐᖃᐅᕐᓂᑦᑎᓐᓄᓐ.
ᐃᓅᖃᑎᒌᑦᑎᐊᕐᓂᖅ
ᑭᒃᑯᑐᐃᓐᓇᕐᓂ ᐃᒃᐱᒍᓱᖕᓂᖅ, ᐃᓚᓐᓇᕆᔭᑦᑎᓐᓂ, ᐊᒻᒪ ᑭᒃᑯᑐᐃᓐᓇᕐᓂ ᒥᐊᓂᕆᓂᖅ.
ᐅᒃᐱᕈᓱᑦᑎᐊᓕᖅᐸᒃᐳᒍᓐ ᑲᑎᓐᖓᓂᖃᑦᑎᐊᓕᖅᐸᒃᐳᒍᓪᓗ ᐱᑦᑎᐊᖃᑦᑕᐅᑎᓂᒃᑯᓐ, ᐱᐅᓱᒋᓐᖏᓐᓂᒃᑯᓐ, ᑐᑭᓯᐅᒪᓂᒃᑯᓪᓗ.
ᐊᕙᑎᑦᑎᓐᓂ ᑲᒪᑦᑎᐊᕐᓂᖅ
ᐃᒃᐱᒍᓱᑦᑎᐊᕐᓂᖅ ᒥᐊᓂᕆᓂᕐᓗ ᓄᓇᓂ, ᓂᕐᔪᑎᓂ, ᐊᕙᓗᐊᓂᒡᓗ.
ᓴᓇᐅᒐᓕᐅᖅᐸᖕᓂᖅ ᐃᓅᓯᕐᓗ ᓄᓇᒧ ᑲᑎᓐᖓᖕᒪᑕ. ᐅᔾᔨᕆᕙᕗᑦ ᓴᐳᑎᕙᕗᓪᓗ ᐱᓕᕆᐊᑦᑎᒍᓐ.
ᐱᓕᒻᒪᒃᓴᓂᖅ/ᐱᔭᕆᐅᕐᓴᓂᖅ
ᐊᔪᓐᖏᓐᓂᖅᑖᖅᑐᖅᐸᖕᓂᖅ ᖁᓐᖏᐊᕐᓂᒃᑯᑦ, ᐃᓕᓴᐃᔨᖃᕐᓂᒃᑯᓐ, ᐊᔪᕈᓐᓃᕐᓴᖅᐸᖕᓂᒃᑯᓐ ᐱᓇᔪᖕᓂᒃᑯᓪᓗ.
We believe in learning by doing – with patience, guidance, and curiosity.
ᐋᔩᖃᑎᒌᖕᓂᖅ
ᐃᓱᒪᓕᐅᖅᐸᖕᓂᖅ ᐅᖃᐅᓯᖃᖅᐸᖕᓂᒃᑯᓐ ᐊᖏᖃᑎᒌᒃᖁᐸᖕᓂᒃᑯᓪᓗ.
ᐊᑕᐅᓯᐅᓪᓗᑕ ᐱᓕᕆᐊᖃᖅᐳᒍᓐ. ᐱᕕᖃᖅᑎᑦᑎᕙᒃᐳᒍᓐ ᓈᓚᖕᓂᕐᒥᒃ ᐃᓱᒪᓕᐅᖃᑎᖃᕐᓂᕐᒥᒡᓗ.
ᓯᕗᓪᓕᐅᔾᔭᐅᔪᓐ ᐊᑐᖅᑕᐅᓂᖏᓐ
ᐅᖃᐅᓯᑐᐃᓐᓇᐅᓐᖏᓚᓐ
ᑕᒪᒃᑯᐊ ᓯᕗᓪᓕᐅᔾᔭᐅᔪᓐ ᐃᓱᒪᒋᔭᑐᐃᓐᓇᐅᓐᖏᓚᓐ – ᑕᒫᓐᖓᓐ ᓴᖅᑭᑉᐸᒃᐳᓐ ᐋᖅᑭᒃᓱᐃᔾᔪᑎᒋᕙᒃᖢᑎᒍᓐ ᐃᓕᓐᓂᐊᓯᓐᓈᕈᑎᓂ, ᐱᓕᕆᐊᑦᑎᓐᓂ, ᑲᑐᔾᔨᖃᑎᒋᔭᑦᑎᓐᓂ, ᖃᓄᓗᒃᑖᕐᓗ ᐅᖃᐅᓯᖃᕈᑎᒋᔭᑦᑎᓐᓂ. ᖃᐅᔨᒃᑲᐅᑎᒋᕙᕗᓐ ᓄᓇᓕᖕᒥᐅᓂ ᒥᐊᓂᕆᔭᕆᐊᖃᕐᓂᕐᒥ, ᐱᖅᑯᓯᑐᖃᓐ ᐸᐸᑦᑕᕆᐊᖃᕐᓂᕐᒥ, ᓴᓇᐅᒐᓕᐅᖅᐸᖕᓂᕐᓗ ᐃᓕᓐᖓᓂᖃᐅᕆᐊᖃᕐᓂᖏᓐᓄ.