ᑭᒃᑰᒻᒪᖔᑦᑕ/ᑲᑎᒪᔨᕗᑦ

ᓇᑖᓴ ᓚᑐᕋᐃᓪ

ᐃᑦᓯᕙᐅᑕᖅ

ᓇᑖᓴ ᓚᑐᕋᐃᓪ ᐃᑦᓯᕙᐅᑕᕆᔭᐅᕗᑦ ᐃᓴᕈᐃᑦ ᓴᓇᐅᒐᓕᕆᔨᖏᓐᓄᑦ: ᐱᔪᓐᓇᕐᓂᕗᑦ ᑲᑎᒪᔩᑦ. ᓂᕈᐊᖅᑕᐅᓚᐅᖅᓱᓂ ᔭᓐᓄᐊᕆ 2021-ᒥ ᐊᕐᕌᒍᑕᒫᖅᓯᐅᒻᒥᒃ ᑲᑎᒪᑎᓪᓗᒋᑦ, ᓇᑖᓴ ᐊᑑᑎᖃᑦᓯᐊᓚᖓᔪᖅ 1 5-ᓂᒃ ᐊᕐᕌᒍᓂᒃ ᐃᖅᑲᓇᐃᔭᖅᓯᒪᒻᒪᑦ ᐊᓪᓚᕕᒻᒥ ᐊᐅᓚᑦᓯᔨᐅᑦᓱᓂ ᐊᒻᒪᓗ ᑐᑭᒧᐊᑦᑎᑦᓯᔨᐅᑦᓱᓂ ᐱᓕᕆᐊᑦᓴᓂᒃ ᑲᓇᑕᒥ ᐃᓄᐃᑦ ᐅᑭᐅᖅᑕᖅᑐᒥᐅᑦ ᑲᑎᒪᔨᕐᔪᐊᖏᓐᓂ, ᑕᐃᑲᓂᓗ ᐃᖅᑲᓇᐃᔭᖅᓱᓂ ᓇᒧᑐᐃᓐᓈᖃᑦᑕᖅᓯᒪᔪᖅ ᐃᑲᔪᖅᓯᔨᐅᖃᑕᐅᑦᓱᓂ ᐃᓄᓕᒫᓂᒃ ᓯᓚᕐᔪᐊᒥ. ᓇᑖᓴ ᐱᕈᕐᓂᑰᑦᓱᓂ ᐃᖃᓗᓐᓂ ᐅᐃᒌᒃ ᕿᑐᕐᖓᖏᓪᓗ ᒫᓐᓇ ᑳᕐᓚᑕᓐ ᐸᓚᐃᔅᒥ ᓄᓇᖃᓕᖅᑐᑦ ᐃᖅᑲᓇᐃᔭᖅᓱᓂᓗ ᑖᕙᓂ.

Hᐃᐊᑕ ᑰᒪᓐ

ᐃᑦᓯᕙᐅᑕᐅᑉ ᑐᖏᓕᖓ

ᕼᐃᐊᑕ ᑰᒪᓐ ᓂᕈᐊᖅᑕᐅᓚᐅᖅᓯᒪᔪᖅ ᐃᑦᓯᕙᐅᑕᐅᑉ ᑐᖏᓕᕆᓂᐊᖅᑕᖓᓂ ᐃᓴᕈᐃᑦ ᐃᓄᓐᓄᑦ ᓴᓇᐅᒐᓕᕆᔨᖏᑦ ᑲᑎᒪᑎᓪᓗᒋᑦ ᐊᕐᕌᒍᑕᒫᖅᓯᐅᒻᒥᒃ ᔭᓐᓄᐊᕆ 2021-ᒥ. ᕼᐃᐊᑕ ᐱᕈᐃᔭᐅᓯᒪᔪᖅ ᐊᖓᔪᖅᑲᒥᓄᑦ ᐅᓛᓂ ᑎᐊᓚᒧᑦ ᐊᒻᒪᓗ ᕗᕆᑦ ᑰᒪᓐᒧᑦ ᐃᖃᓗᓐᓂ ᐸᓐᓂᖅᑑᒥᓗ, ᐊᒻᒪᓗ ᐃᓕᓐᓂᐊᖅᓯᒪᑦᓱᓂ ᕕᔅᓂᔅᓕᕆᓂᕐᒥᒃ ᑐᕌᓐᑐᒥ. 1991-ᖑᓕᖅᑎᓪᓗᒍ ᐊᖓᔪᖅᑳᕈᕐᓂᑯᑦ ᑰᒪᓐ ᑕᑯᔭᒐᖃᕐᕕᖁᑎᖏᓐᓂ ᓱᓕ ᐊᑖᑕᖓ ᐃᓅᑎᓪᓗᒍ 1998-ᒥ ᑕᕝᕙᐅᒍᓐᓃᕐᓂᑰᒻᒪᑦ ᐊᒻᒪᓗ ᐊᑖᑕᖃᕈᓐᓃᖅᓱᓂ ᐃᖅᑲᓇᐃᔭᖅᓯᒪᔪᖅ ᐊᕐᕌᒍᓂᒃ 20-ᑲᓴᓂᒃ ᐊᖓᔪᖅᑳᕆᔭᐅᑦᓱᓂ ᑰᒪ ᐋᒃᑎᒃ ᓕᒥᑎᑦᑯᓐᓂ. ᕼᐃᐊᑕᐅᑉ ᐃᖅᑲᓇᐃᔮᕆᓯᒪᔭᒥᒍᑦ ᐱᓕᒻᒪᑦᓯᒪᓂᖓ ᐃᖅᑲᓇᐃᔮᑦᓴᓕᕆᔨᒃᑯᓐᓂ ᐊᒻᒪᓗ ᐊᓪᓚᕕᒻᒥ ᐊᐅᓚᑦᓯᔨᐅᑦᓱᓂ, ᑮᓇᐅᔭᓕᕆᔨᐅᓯᒪᑦᓱᓂ, ᐊᒻᒪᓗ ᐱᓕᕆᐊᑦᓴᓂᒃ ᐊᐅᓚᑦᓯᔨᐊᓯᒪᓂᖓ ᐃᑲᔪᕐᓂᖃᒻᒪᕆᓚᖓᔪᖅ. ᕼᐃᐊᑕ ᐃᓚᖏᓪᓗ ᐋᑐᕚᒥᐅᖑᓕᖅᑐᑦ ᕿᑐᕐᖓᖃᖅᓱᓂ ᒪᕐᕉᓐᓂᒃ ᐊᒻᒪᓗ ᐃᖅᑲᓇᐃᔭᕈᓐᓃᕋᓗᐊᖅᓱᓂ ᓱᓕ ᐃᓕᖅᑯᓯᕐᒥᒍᑦ ᒥᖅᓱᒐᓕᐅᖅᐸᑦᑐᖅ ᑐᓐᓂᓕᐅᖅᑎᐅᑦᓱᓂᓗ.

ᓯᐴᕋ ᐃᓄᐊᕋᖅ

ᐱᖅᑯᓯᐅᑉ ᒥᑦᓵᓄᑦ ᖃᐅᔨᒪᓪᓕᑕᖅ

ᓯᐴᕋ ᐃᓄᐊᕋᖅ ᑲᖏᖅᑐᒑᐱᖕᒥᐅᑦᓴᔭ ᕿᑭᖅᑖᓗᒻᒥ ᓄᓇᕗᒥ. ᐃᖅᑲᓇᐃᔭᖅᑎᐅᓯᒪᑦᓱᓂ ᓄᓇᕗᒥ ᒐᕙᒪᒃᑯᓐᓄᑦ ᐊᕐᕌᒍᕋᓴᓂᒃ ᐃᖃᓗᓐᓂ, ᓯᐴᕋ ᓅᓐᓂᑯ ᐋᑐᕚᒧᑦ ᐃᖅᑲᓇᐃᔭᕆᐊᖅᓱᓂ ᐸᐅᖅᑑᑎᒃᑯᓐᓄᑦ ᑕᒫᓃᓕᖅᓱᓂ ᐅᑭᐅᑦ 20 ᐅᖓᑖᓄᑦ ᖃᓄᐃᑦᑐᑐᐃᓐᓇᕐᓂᒃ ᐃᖅᑲᓇᐃᔮᖃᖅᐸᑦᓱᓂ ᐱᓕᕆᐊᒥᒍᑦ ᐃᑲᔪᖅᐸᑦᑐᖅ ᐃᓄᓐᓂᒃ ᐊᕐᓇᓂᒃ. ᓯᐴᕋ ᐃᓚᒥᒍᑦ ᓯᕗᓕᖅᓲᑎᒥᓂᒃ ᖃᐅᔨᒪᓂᖃᑦᓯᐊᕐᓂᕐᒥᒍᑦ ᐃᑲᔪᕐᓂᖃᖅᐸᑦᑐᑦ ᐃᓴᕈᐃᑦ ᑲᑎᒪᔨᖏᓐᓄᑦ.

ᔭᓯ ᑲᖑᒃ

ᑐᓴᐅᒪᖃᑦᑕᐅᑎᓕᕆᔨ

ᔭᓯ ᑲᖑᒃ ᐃᓅᓕᕐᓂᑰᑦᓱᓂ ᐱᕈᕐᓂᑰᑦᓱᓂᓗ ᐃᒡᓗᓕᖕᒥ ᐋᑐᕚᒧᑦ ᐃᓚᒌᑦ ᓅᓐᓂᑯᐃᑦ ᐋᑐᕚᒧᑦ 16-ᓂᒃ ᐅᑭᐅᖃᓕᖅᑎᓪᓗᒍ. ᔭᓯ ᕿᑲᓱᐃᑦᑑᓯᒪᔪᖅ ᐱᓕᕆᖃᑕᐅᖃᖅᑕᖅᓱᓂ ᐃᓄᓐᓄᑦ ᐋᑐᕚᒥᐅᑕᓄᑦ, ᐃᖅᑲᓇᐃᔭᖃᑦᑕᖅᓱᓂ ᑐᖕᖑᓱᕝᕕᖓᓐᓂ ᐃᓄᐃᑦ ᐊᒻᒪᓗ ᐃᓅᖃᑎᒌᓂ ᕿᑐᕐᖓᖃᖅᓱᓂ ᐱᖓᓱᓂᒃ ᐅᑭᐅᖃᓕᖅᑐᓂᒃ 14-ᓂᒃ, 10-ᓂᒃ, ᐊᒻᒪ 9-ᓂᒃ. ᒫᓐᓇ ᐊᖏᕐᕋᖅᓱᒪᖃᑦᑕᖅᑐᖅ ᕿᑐᕐᖓᒥᓂᒃ ᑲᒪᑦᓱᓂ ᐊᒻᒪᓗ ᓈᓚᐅᑎᒃᑯᑦ ᐅᖃᓕᒪᔨᐅᕙᑦᓱᓂ ᐋᑐᕚᒥ ᐅᖃᓪᓚᕝᕕᒃᑯᑦ ᐅᑰᓇ: CKCU 93.1 F.M.

ᖁᕕᐊᒋᔭᓕᒃ ᑲᓲᑎᖃᑎᖃᕐᓂᕐᒥᒃ ᐃᓅᖃᑎᒥᓂᒃ ᐋᑐᕚᒥ ᐊᒻᒪᓗ ᕿᑐᕐᖓᖏᑦ ᐃᓕᓐᓂᐊᓕᕋᐃᒻᒪᑕ ᐃᓄᐃᑦ ᐱᖅᑯᓯᖅᓲᑎᖏᓐᓂᒃ ᐅᖃᐅᓯᖏᓐᓂᓪᓗ ᓄᓇᒥ ᐊᓯᐊᕕᒋᓂᐊᖅᑐᕆᓚᐅᖅᓯᒪᔭᖓᓂ, ᑭᓯᐊᓂ ᖃᐅᔨᒪᓕᖅᑐᖅ ᐃᑉᐱᓐᓂᐊᔭᖓᑕ ᐊᔾᔨᑐᐃᓐᓇᖃᕐᓂᖓ ᓄᓇᖅᑲᑎᖃᕐᓂᕕᓂᖓᓂᒃ ᐃᒡᓗᓕᖕᒥᐅᓂᒃ.

ᐊᐃᔭ ᖁᒪᖔᐱᒃ

ᒪᒃᑯᑦᑐᓄᑦ ᖃᐅᔨᒪᓪᓕᑕᖅ

ᐊᐃᔭ ᖁᒪᖔᐱᒃ ᒪᒃᑯᑦᑑᓱᓂ ᖃᕆᑕᐅᔭᒧᑦ ᐊᒡᒐᒥᓄᓪᓗ ᑎᑎᖅᑐᒐᖅᐸᑦᑐᖅ ᑕᑯᓐᓇᕋᑦᓴᓕᐅᕈᒻᒪᐅᑦᓱᓂ ᑎᑎᖅᑐᒐᓲᖑᒻᒪᑦ. ᒪᓐᓇ ᐊᐃᔭ ᓄᖅᑲᖓᑲᐃᓐᓇᖅᑐᖅ ᐃᓕᓐᓂᐊᕐᓂᕐᒥᓂᒃ ᓴᓇᐅᒐᓕᕆᔨᐅᓂᕐᒥᒃ ᕕᓴᑉ ᓯᓚᑦᑐᓴᖅᕕᔾᔪᐊᖓᓂ ᐃᓕᓐᓂᐊᖃᑦᑕᕐᒪᑦ ᐅᒃᑯᓯᑦᓴᓂᒃ ᓴᓇᐅᒐᓕᐅᕐᓂᕐᒥᒃ ᐊᑖᑕᒥᓂᒃ ᕉᐸᓐ ᖁᒪᖔᐱᒻᒥᒃ ᐃᓕᓐᓂᐊᕐᕕᒋᒻᒥᔭᖓᓂᒃ. 2019-ᖑᑎᓪᓗᒍ ᓴᓇᓚᐅᖅᑕᒥᓂᖓ ᑕᐃᒎᓯᓕᒃ “ᕿᓚᐅᔾᔭᖅᑎ”-ᒥᒃ, ᐊᐃᔭ ᓵᓚᖃᕐᓂᑯ ᐅᓂᒃᑳᓕᐅᖅᓱᓂ 19-29-ᓂᒃ ᒪᑉᐱᒐᓕᒻᒥᒃ ᐅᖃᓕᒫᒐᓕᐅᖅᓱᓂ ᓄᓇᖃᖅᑳᖅᓯᒪᔪᓄᑦ ᐅᓂᒃᑲᐅᓯᓂᒃ ᑐᓂᕐᕈᓯᖅᑕᐅᒍᑎᒋᓯᒪᑦᓱᓂᐅ ᑲᓇᑕᒥ ᓯᕗᓕᖅᓲᑎᓕᕆᒃᑯᓐᓄᑦ, ᐊᒻᒪᓗ ᐅᖃᓕᒫᕋᑦᓴᓕᐅᖃᑕᐅᖃᑦᑕᖅᓯᒪᑦᓱᓂ. ᐊᐃᔭ ᒫᓐᓇ ᐋᑐᕚᒥ ᓄᓇᖃᓕᖅᑐᖅ ᐃᖅᑲᓇᐃᔭᖅᓱᓂᓗ.

ᒫᑕ ᕙᓛᕈᑎ